SARS-CoV-2
 | Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
Severe acute respiratory syndrome-related coronavirus  | |
|---|---|
 | |
Rekaman (id)  | |
| Data (id) | |
| Inang (id) | Homo sapiens (id) , Felis catus (id) , Canis familiaris (mul) , VeroE6/TMPRSS2 (en) , Vero C1008 (en) , Caco-2 (en) , Calu-3 (en) , HEK293T (en) miwah Huh-7 (en) |
| Komposisi genom virus ICTV (id) | positive-sense single-stranded RNA virus (en) |
| Penemu atau pencipta (id) | Zhang Jixian (id) |
| Penyakit (id) | Pandemi koronavirus 2019-2020 miwah Covid-19 (id) |
| Jumlah genom (id) | 29.903 |
| Taksonomi | |
| superdomain | Biota |
| domain | Virus |
| dunia | Riboviria |
| krajan | Orthornavirae |
| Pilum | Pisuviricota |
| kelas | Pisoniviricetes |
| ordo | Nidovirales |
| kaluwarga | Coronaviridae |
| Subkaluwarga | Orthocoronavirinae |
| Génus | Betacoronavirus |
| upagenus | Sarbecovirus |
| Spésiés | Severe acute respiratory syndrome-related coronavirus |
| Tata aran | |
| Dinamakan berdasarkan (id) | SARS-CoV (id) |
SARS-CoV-2 (saking kruna novel coronavirus) utawi virus korona 2019-nCov inggih punika virus sané ngawinan grubug ring kota Wuhan, Cino mawit saking Désémber 2019. Virus puniki nglimbak saking lelipi ka para jadma ring silih tunggil pasar buron ilégal sané magenah ring Wuhan. Ngantos 26 Januari 2020 sampun wénten kirang-langkung 2.000 jadma sané katibén inféksi miwah 56 jadma sané sampun padem. Kasus inféksi coronavirus nCov punika taler wénten ring negara sajabanin Cina, inggihnyané ring Thailand, Jepang, Singapura, Kanada, Ostrali, Népal, Malaysia, Taiwan, Viétnam, Koréa Kidul, Prancis miwah Amérika Serikat.[1]
Riantukan Coronavirus nCov durung naenin nglimbak ring pantaraning jadma sadurung Désémber 2019, ngawinang ngantos mangkin durung wénten tamba sané pastika.[2] Mangda ngawatesin panglimbak virusé, pamarintah Cino sampun nguningayang mangda nénten wénten sang sané malelungaan medal tur ngranjing ka kota Wuhan, Huanggang, Ezhou, Chibi, Qianjiang, Zhijiang, Jingmen, Xiantao, Xiaogan miwah Huangshi.[3]
Lara COVID-19 inggih punika lara utawi sasab sané kapolihang saking SARS-CoV-2, silih situnggil soroh koronavirus.Lara puniki ngawinang pandemi koronavirus 2019–2020. Sang sané keni penyakit puniki ketahnyané keni kebus, batuk, tur nénten dangan maangkihan, wénten taler sané keni sakit krongkongannyané, pilek, tur bersin. Sang sané keni punika dangan keni penyakit pneumonia miwah wénten masalah ring multiorgannyané.
Penyakit puniki nglahlah ka anak sané lianan nganggén percikan (droplet) saking saluran krongkongan sané ketahnyané ngamedalang kohkohan. Galah lara punika ngalahlah saking keni paparan virus ngantos ngamedalang cecirén inggih punika sawatara 1-14 dina tur ketahnyané limang dina. Lara puniki katelebin cecirénnyané nganggén uji réaksi marantai polimérasé transkripsi-balik (rRT-PCR) saking usap nasofaring utawi nganggén imba tengkaak. Asilnyané prasida kapolihang sawatara makudang-kudang jam ngantos kalih rahina. Antibodi miwah imba sérum getih taler kapariksayang.
Tata cara antuk nyiagayang raga saking lara punika makadi nyabran galah ngumbah tangan, nénten nampek sareng anak lianan, tur nénten nyemak mua nganggén tangan sané nénten bersih. Kabaosang taler antuk nganggén masker mangda irung tur cangkemnyané katutup yéning kohkohan. Organisasi Kesehatan Dunia (WHO) miwah Pusat Pengendalian dan Pencegahan Penyakit AS (CDC) ngicénin pawarah-warah indik jadma sané ngrasayang keni penyakit punika, mangda nganggé masker tur ngrereh dokter ka klinik utawi rumah sakit. Masker taler patut kaanggén ri tatkala ngwantu anak sané keni virus punika. Ngantos galahé mangkin, durung wénten tamba sané prasida ngicalang virus punika. Akéh fatalitas kasus wénten sawatara 1-3 %[4].
- ↑ "Update! 13 Negara Ini Konfirmasi Terinfeksi Virus Corona". kompas.com.
- ↑ "China coronavirus spread is accelerating, Xi Jining warns". BBC.
- ↑ "At least 10 Chinese cities on lockdown". voanews.com.
- ↑ "Worldometer - real time world statistics". Worldometer (ring Inggris). Kaaksés 2020-03-18.