Cekakak jawa

Cekakak Jawa
	Cekakak jawa (Halcyon cyanoventris); di tepi Kali Mujur, Lumajang
Status Konservasi
	; Least Concern (IUCN 3.1)
Klasifikasi ilmiah
Krajaan	Animalia
Filum	Chordata
Kelas	Aves
Bangsa	Coraciiformes
Familia	Halcyonidae
Marga	Halcyon
Spésiés	H. cyanoventris
Adan Binomial
	Halcyon cyanoventris; Vieillot, 1818
Sinonim
	Alcedo cyanoventris Vieill., 1818;

Cekakak jawa (Halcyon cyanoventris) punika spesies kedis pahan genus Halcyon saking famili Halcyonidae (kerabat raja-udang). Kedis puniki pinaka soroh kedis sane naar gumatat-gumitit sane madue habitat ring genah mabukak, utamannyane nampek yeh bersih, nglimbak ngantos tegehnyane 1.000 m dpl.^[3]

Ceciren[uah | uah wit]

Kedis cekakak maukuran madya (25 cm) sareng warnan peteng pesan. Kedis kelih sane sirahnyane mawarna cokelat tua. Tenggorokan miwah kerah cokelat. Basang miwah tundun biru ungu. Penutup kampid selem miwah bulu makeber biru galang. Bercak putih ageng ring kedis kacingak jelas ritatkala makeber. Kedis muda sareng tenggorokan putih-putih. Iris coklat tua; paruh bara; miwah batis barak.^[4]

Genah[uah | uah wit]

Cekakak jawa nglimbak mawates (endemik) ring Jawa miwah Bali. Kedis puniki ketah kacingak ring genah-genah mabukak miwah ring nampek sumber yeh bersih, ngantos tegehnyane 1.000 m dpl. Lianan punika, cekakak jawa taler ketah wenten ring carik, kolam be, paya sane sampun tuh, padang gembala, padang semak miwah sane lianan.

Parilaksana[uah | uah wit]

Cekakak jawa naar gumatat-gumitit miwah buron-buron alit, rumasuk taler larva kumbang yeh. Kedis puniki kacatet naar be, udang, miwah katak. Maboros ring lahan padang-padangan mabukak. Cekakak jawa taler ketah kacingak ngenceg ring ajeng tonggak utawi cabang punyan sane tunggal. Kedis puniki langkung akeh meneng saking cekakak sungai (Todirhamphus chloris), nanging munyinnyane sane khas setata kapireng.

Perkembangbiakan[uah | uah wit]

Cekakak jawa meng ring antara bulan Maret miwah September. Mataluh 3 utawi 4 butir, mawarna putih, sane magenah ring sebun marupa saluran utawi terowongan ring tanah ring tebing tukad sane mabukak miwah kasunarin matan ai.

Taksonomis[uah | uah wit]

Makerabat nampek sareng cekakak belukar (H. smyrnensis), miwah kadang-kadang kaprecaya pateh sorohnyane, nanging ring Jawa Barat makakalih soroh kedis puniki kacunduk ring habitat sane pateh tanpa kawin silang, sane nujuang unduk kalih taksa punika malianan spesies.

Pustaka[uah | uah wit]

↑ BirdLife International (2016). Halcyon cyanoventris. The IUCN Red List of Threatened Species 2016: e.T22683252A92980601. http://dx.doi.org/10.2305/IUCN.UK.2016-3.RLTS.T22683252A92980601.en. Diakses pada 03 Maret 2019.
↑ Vieillot, L.J.P.. (1818). "Le Martin-pecheur a ventre bleu". Nouveau dictionnaire d'histoire naturelle, appliquée aux arts, à l'agriculture, à l'économie rurale et domestique, à la médecine, etc. t. 19: 412.
↑ "Cekakak Jawa, Burung Cantik yang Tak Ramah dengan Manusia". Greeners.Co (ring Inggris). 2023-12-10. Kaaksés 2023-12-10.
↑ "Cekakak jawa - eBird". ebird.org (ring in). Kaaksés 2023-12-10.CS1 maint: unrecognized language (link)

[1] BirdLife International (2016). Halcyon cyanoventris. The IUCN Red List of Threatened Species 2016: e.T22683252A92980601. http://dx.doi.org/10.2305/IUCN.UK.2016-3.RLTS.T22683252A92980601.en. Diakses pada 03 Maret 2019.

[2] Vieillot, L.J.P.. (1818). "Le Martin-pecheur a ventre bleu". Nouveau dictionnaire d'histoire naturelle, appliquée aux arts, à l'agriculture, à l'économie rurale et domestique, à la médecine, etc. t. 19: 412.

[3] "Cekakak Jawa, Burung Cantik yang Tak Ramah dengan Manusia". Greeners.Co (ring Inggris). 2023-12-10. Kaaksés 2023-12-10.

[4] "Cekakak jawa - eBird". ebird.org (ring in). Kaaksés 2023-12-10.CS1 maint: unrecognized language (link)

[1]

[2]

[3]

[4]