Carcan Kucing
| Carcan Kucing | |
|---|---|
 | |
| Aran liyanan | caŕcan·kuciŋ |
| Kawedar kapertama ring | Singaraja |
| Basa(-basa) | Basa Kawi |
| Juru tulis | I Gusti Putu Djlantik miwah I Gusti Bagoes Djlantik |
| Ukuran | 50 cm x 3,5 cm |
| Aksara | Aksara Bali |
| Ngranjing Koleksi ring | Gedong Kirtya miwah Kapustakaan Kantor Dokuméntasi Budaya Bali |
| Klasifikasi Gedong Kirtya | Wariga |
Carcan Kucing utawi Carcan Méyong silih tunggil soroh lontar cacrcan, sané ngapidartayang indik soroh méong sané becik utawi jelek antuk kaanggo mawit ceciren raga méong minakadi lantang ikut miwah warna buluné. Minakadi, méong antuk bulu ireng miwah ikut ngelengkung kanikayang dados méong pinih becik sané makta karahayuan antuk sang padruén. Ring lontar puniki taler kapidartayang akedik indik paripolah méong sané becik utawi jelek, minakadi kanikayang becik pinaka satunggil méong pules ring duur destar sang pamiara, paripolah punika kanikayang pacihna becik.[1]
Carcan kucing puniki ketah kasandingang saraeng soroh carcan liyanan ring dura Bali minakadi Serat katuranggan kucing Serat katuranggan kucing miwah Serat ngalamating kucing sané nganggé Basa Jawa ring irika kapidartayang indik kalih dasa soroh méong. Wenten malih carcan maasal saking Thailand sané mamurda tamra maéo (ตำราแมว, kawacén tam-raa-méw), ngapidartayang indik pitulas soroh méong kajangkepin sareng gegambaran ipun.[2][3]
Pustaka[uah | uah wit]
- ↑ Carcan Kucing (caŕcan·kuciŋ), Lontar Koleksi Gedong Kirtya, No III C807/W
- ↑ Igunma, Jana (7 June 2013). "A Treatise on Siamese Cats". Southeast Asia Library Group (SEALG). British Library. Kaaksés 26 June 2017.
- ↑ Clutterbuck, Martin (2008). "Inventory: Auspicious Cats". Cabinet (ring Inggris) (30). Kaaksés 26 June 2017.
Karya sastra carcan | ||
|---|---|---|
| Carcan |  | |
| Indik | ||
