Berau
Berau inggih punika silih tunggil plalianan panjak wewengkon Lombok. Kaambil saking kampung Dayan Mesjid, sareng Pancor, kecamatan Selong, Kabupaten Lombok Timur.
Berau mawit saking kara "au" polih pangater "ber". Berau polih artos nuwutang munyi "au u u u u..." Munyi utawi laras inggih punika pegaén ulian nempa munyi "sendero".
Madué kalih soroh Berau, inggih punika "Berau Muni" (Berau Bunyi) miwah "Berau Tedoq" (Berau Diam). Iriki polih kaiwangan panganggé suara (salah kaprah). Manut saking artos sané sujati Berau sepatutnyané mamunyi. Indik puniki munyi utawi suara "au u u u..." nanging indik plalianan sané pateh, yéning nénten madaging suara, kari kasobiahang Berau Tedoq.
Plalianan puniki kaplalianang dugas nuju dinané wengi ri kala galang bulan. Indik plalian puniki kaplalianang pinaka jagi ngamolihang kasenengan utawi pinaka sarana malila cita. Plalian pniki nénten madué paiketan sareng kabudayan lianan.
Plalian puniki pinaka sarana plalianan panjak sané dados kaplalianang olih masarakat sinamian. Plalianan puniki patut pisan antuk ngangkat kapradnyan raré.
Plalian puniki wit miwah rauh ring masarakat sinamian sané masuku Sasak indik gumi tani. Silih tunggil kasukaan anak sané akéh ring sisin madué amongan sawai-wai ngaryanang carik.