Begatrik
Begatrik inggih punika silih tunggil palalianan krama wawidangan Lombok. Kambil saking Kampung Mambe, Desa Monjok, Kecamatan Mataram, Kabupaten Lombok Barat. Begatrik wit saking kruna gatrik sane maartos nundik. Ring wawidangan Lombok Tengah palalianan puniki kabaos Main Acet. Acet maartos batu pelempar sane kanggen risajeroning palalianan puniki. Palalianan Begatrik puniki kamargiang ring semeng utawi sore ritatkala parikrama sarahina alit-alite sampun puput. Dadosnyane, palalianan puniki wantah kanggen nagingin waktu senggang. Palalianan puniki nenten wenten paiketannyane ring upacara adat, agama, miwah sane tiosan. Palalian puniki pinaka permainan rakyat, sane dados kamargiang olih makasami parajana saking saluir status sosial. Palalianan puniki nglatih anak alit mangda prasida nambah ketangkasan miwah keterampilan.[1]
Palalianan puniki pinaka palalianan anak alit saking saluir lapisan masyarakat. Nenten kauningin wit saking pidan kapalalianang, miwah saking wawidangan napi lelintihannyane. Risajeroning panglimbaknyane, palalianan puniki nenten ngalamin pabinayan, inggihan ring aturan utawi pirantinnyane. Tata cara mapalalianan tetep nganggen batu pinaka piranti mapalalianan kantos mangkin. Sane mabinayan inggih punika sang sane nyenengin sayan kidik.Ring kota sampun nenten kapanggihin malih sane mapalalianan Gatrik. Puniki duaning wenten pangaruh palalianan sane modern, dadosnyane palalianan Begatrik ring wawidangan anak kota sampun sayan rered.[1]
- ↑ 1,0 1,1 (Indonesia), Proyek Inventarisasi dan Dokumentasi Kebudayaan Daerah (1980/1981 [i.e. 1981]). Permainan rakyat daerah Nusa Tenggara Barat. Departemen Pendidikan dan Kebudayaan, Pusat Penelitian Sejarah dan Budaya, Proyek Inventarisasi dan Dokumentasi Kebudayaan Daerah. OCLC 24872272. Check date values in:
|date=(help)