Batun bedil
 | Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
 Batun bedil | |
| Wastan sané tiosan | Kolak Batun Bedil |
|---|---|
| Tipé | Jaja |
| Mawit saking | Indonésia |
| Wawengkon utawi wewidangan | Bali |
| Lakaran utama | Tepung baas, tepung kanji, miwah gula bali |
Batun bedil wantah silih tunggil sanganan ring Bali sané kakaryanin antuk tepung beras, wénten taler sané nagingin campuhan tepung kanji. Tepung beras sané sampun kadagingin toya kacampuh antuk tasik raris maulet kantos legit mangda prasida jagi makarya pulung-pulung. Pulung-pulung punika sané raris kalablab ring toya sané sampun ngrodok. Nénten ja sué nyantosang, pulung-pulung punika pacang kambang sané nyihnayang Batun Bedil punika sampun rateng.
Jaja batun bedil punika bunter-bunter sakadi mimis bedil, mawinan asapunika kawastanin batun bedil. Batun bedil punika madaging gendis bali sané sampun kaencehang antuk toya, wénten sané nagingin gendisé punika antuk tepung kanji mangda prasida kentelan sakadi kolek. Batun bedil punika taler madaging kelapa sané makihkih. Wénten taler sané nagingin malih antuk pisang sané makuskus, punika mawinan pamuputnyané sakadi kolek.
Batun bedil punika nénten ja méweh yéning jagi arsa ngrereh, katahan ring anaké sané maadolan sanganan namping batun bedil punika. Indik pangargan Batun bedil punika nénten langkungan saking duang tali rupiah.[1]
- ↑ "Jaja Batun Bedil : Kuliner Unik Khas Bali". kooliner.com. Kaaksés 25 January 2020.