Batik Kartini
Batik Kartini inggih punika batik sané coraknyané manut saking batik sané kakaryanin olih Kartini. Duta Batik sané kapertama inggih punika Kartini krana ipun naenin ngirimang batik majeng ring sawitrannyané ring Belanda. Batik Kartini akéh karereh ring Jepara, ring Désa Troso.[1]
Lelintihan Wasta[uah | uah wit]
Kawéntenan wasta Batik Kartini punika krana batik punika nganggén motif utawi corak sané kakaryanin olih R.A. Kartini. Kain batik punika batik tulis sané kakaryanin olih Radén Adjeng Kartini (1879-1904). Motif kain punika kapenuhin olih karangan bunga alit miwah kupu-kupu manut gaya Hindu-Jawa. Radén Adjeng Kartini inggih punika putrin Bupati Jepara sané kasub dados pejuang emansipasi anak istri, khususnyané ring bidang pendidikan para istri.
Lelintihan Batik Kartini[uah | uah wit]
Batik ring Kabupatén Jepara punika wénten kalih inggih punika Jepara sané ukirannyané khas Jepara miwah Batik Kartini sané ukirannyané kakaryanin olih Kartini ring Jepara. Seni batik ring Jepara sampun wénten saking galah Kartini manut saking buku sané kasurat olih Rouffoer tur sampun katerjemahang, inggih punika buku sané mamurda Kesenian Batik di Hindia Belanda dan Sejarahnya. Ring buku punika kabaosang, R.A. Kartini naenin ngirim cenderamata ka Belanda marupa kain batik khas Jepara miwah Tenun Ikat Troso. Sampun wénten siki abad langkung galah batik Jepara punika ilang. Batik saking galah dumunan ngantos mangkin kantun kakaryanin olih para istri. Nika mawaninan batik punika ketah nampek ring seni ibu.
Motif Batik Kartini[uah | uah wit]
Wénten makudang soroh motif Batik Kartini, inggih punika:
- Motif Bunga Kantil
- Motif Parang Gondosuli
- Motif Srikaton
Panglimbak[uah | uah wit]
Motif batik sané kakaryanin olih R.A. Kartini punika wénten sané marupa bunga kantil, silih tunggil punyannyané wénten ring duri pendapa Kabupatén Jepara. Motif lianan inggih punika Parang Gondosuli, miwah motif Srikaton. Motif pinih untat inggih punika magaya Mataram, nanging lian sareng sané wénten ring Solo miwah Yogyakarta sané ketah kawastanin Sri gunung. Ring galah puniki kantun kaakéhang motif batik sané lianan.
Pustaka[uah | uah wit]
- ↑ batikjepara (2011-08-22). "Sejarah Batik Jepara". BATIK JEPARA (ring Indonesia). Kaaksés 2020-12-06.