Bandung

Peta Bandung

Kota Bandung wantah silih tunggil kota sané wénten ring Provinsi Jawa Kauh, Indonesia, sané pinaka Ibu Kota Propinsinyané. Kota Bandung punika magenah 140 km ring sisi kaja kauh kota Jakarta, saha pinaka kota Ageng sané kaping tiga ring Indonesia sasampun Jakarta miwah Surabaya manut akéh kawéntenan kramannyané. Sané lianan, Kota Bandung taler pinaka kota sané pinih ageng ring wawidangan Pulau Jawa ring sisi kelod. Sakemawon, wawidangan Bandung Raya sané pinaka kota metropolitan pinih ageng kaping tatiga ring sajebag Indonesia sasampun Jabodetabek miwah Gerbang Kerto Susilo. Ring kota puniki kasurat sakancan sejarah sané pinih utama, minakadi pinaka genah pawangunan silih sinunggil perguruan tinggi tehnik sané kapertama ring Indonésia, sané mangkin kasengguh Institut Teknologi Bandug (ITB), pinaka genah payudan rikalaning kemerdékaan, saha kadadosang genah Konferensi Asia-Afrika 1955. Genah punika taler paparuman sané nyuarayang manah antuk nénten nginutin sané kawastanin kolonialisme, saha Perdana Menteri India Jawaharlal Nehru ring pidartanyané ngawacanayang Bandung pinaka ibu kotanyané Asia-Afrika. Ring warsa 1990 kota Bandung kajudi pinaka silih tunggil kota sané pinih trepti ring jagaté manut survéi saking majalah time.