Banda Aceh

Saking Wikipédia
Loncat ke navigasi Loncat ke pencarian
Masjid Agung ring Banda Acéh
Genah Banda Acéh

Banda Acéh inggih punika ibukota Propinsi Acéh ring Indonésia. Kota puniki pinaka kota Islam sané pinih lingsir ring Asia Tenggara, di mana Kota Banda Aceh wantah pinaka ibu kota saking Kesultanan Aceh. Banda Aceh pinaka ibu kota Kesultanan Aceh Darussalam sané sampun wénten ngawit abad ka-14. Kesultanan Aceh Darussalam kawangun ring sisan-sisan kerarajaan Hindu miwah Budha sané sampun wénten sadurungnyané, sakadi Indra Purba, Kerajaan Indra Purwa, Kerajaan Indra Patra, miwah Kerajaan Indrapura (Indrapuri).

Saking batu nisan Sultan Firman Syah, silih tunggil sultan sané naenin ngawi wasa Kesultanan Aceh, kabaosang yéning Kesultanan Acéh ibukotanyané Kutaraja (Banda Aceh). (H. Mohammad Said a, 1981:157). Kawentenan Kesultanan Aceh Darussalam antuk ibukota Banda Acéh nenten prasida lempas saking karajegan Kerajaan Islam Lamuri. Ring panguntat abad ka-15, antuk kawentenan prakanti sané becik sareng panegara panyandingnyané, ngawinang pusat Kerajaan Lamuri kagingsirang ring Meukuta Alam.[4] Genah istana Meukuta Alam wantah magenah ring wewidangan Banda Acéh. Sultan Ali Mughayat Syah jumeneng nata ring Kesultanan Acéh Darussalam wantah selami dasa warsa. Manut prasasti sané kapanggihin ring batu nisan Sultan Ali Mughayat Syah, murdaning jagat ring Kesultanan Acéh Darussalam puniki newata daweg 12 Dzulhijah warsa sangang atus tigang dasa Hijriah utawi ring tanggal 7 Agustus 1530 Masehi. Yadiastun Sultan Mughayat Syah nénten sué ngenterang jagat, nanging Ida prasida ngwangun Banda Aceh pinaka pusat peradaban Islam ring Asia Tenggara. Daweg puniki, Banda Acéh sampun satmaka benteng majeng jalur perdagangan maritim wiadin lalu lintas jemaah haji saking begal saking Portugis.

Daweg sapamadeg Sultan Iskandar Muda, Banda Acéh, Acéh mewali katangiang dados pusat perdagangan maritim, pamekas komoditas lada sané pangarsa ipun dahat ageng saking Éropa. Iskandar Muda ngardi Banda Acéh pinaka taman dunia, sané kakawitin saking wewidangan istana. Wewidangan istana Kesultanan Acéh taler kabaosang Darud Dunya (Taman Dunia).

Pustaka[uah | uah wit]