Antropologi

Antropologi inggih punika studi sains indik kamanusaan, sané mapaiketan sareng parilaksana manusa, biologi manusa, budaya, masyarakat, lan linguistik. , ring masa mangkin miwah masa sané sampun lintang, rumasuk manusa kuna. Antropologi sosial malajahin pola parilaksana, nanging antropologi budaya malajahin makna budaya, ngeranjing norma lan nilai - nilai. Paistilah antropologi sosiokultural sampun ketah kaanggén mangkin. Antropologi linguistik malajahin sapunapi basa punika ngawinang kauripan sosial. Antropologi biologis utawi fisik malajahin indik panglimbak biologis manusa.

Arkéologi, ketah kasengguh pinaka antropologi masa sané sampun lintang, malajahin parilaksana manusa majalaran antuk nyelehin bukti fisik. Niki kaanggep dados carang antropologi ring Amérika Kalér lan Asia, nanging ring Éropa, arkéologi kaanggep dados disiplin ilmu sané ngaraga utawi kasekaang ring sor disiplin ilmu sané lianan, sakadi babad lan paléontologi.