Annyorong Lopi
 | Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
Annyorong Lopi (aksara Bali: ᵒanñoroṅlopi, saking duang kruna ring basa Makassar, inggih punika ᨕᨎᨚᨑᨚ annyorong suksemanipun "mendorong" miwah ᨒᨚᨄᨗ lopi suksemanipun "perahu") inggih punika silih tunggil ritual norong jukung ka pasih sané kalaksanayang olih krama Bonto Bahari.[1] Annyorong Lopi mawentuk saking kalih kruna inggih punika annyorong sané maartos norong, miwah lopi sané maartos jukung. Ritual punika kalaksanayang dados ngaryanin jukung pinisi ring kabupatén Sulawési Selatan. Acara punika kalaksanayang matetujon antuk ngucapang rasa syukur ka Tuhan krana sampun muputang karya ngaryanin jukung pinisi punika. Prosési upacara Annyorong Lopi punika kasarengin olih para krama sané sareng ngaryanin jukung utawi sané kawastanin panrita lopi, dukun utawi sané kawastanin sanro, miwah tamiu khusus sakadi tokoh masyarakat miwah masyarakat Makassar ring kabupatén Bulukumba miwah sané nampek. Upacara sané madué datu budaya miwah religi sané sampun kapercaya miwah kalaksanayang saking krama Makassar sané sadurungnyané ring Bonto Bahari.
Prosési upacara Annyorong Lopi kakapah dados pat pahpahan. Sané kapertama inggih punika motong buron kurban sakadi kebo tur kalaksanayang ring sanjannyané, siki rahina sadurung jukung punika kaluncurang. Sané kaping kalih inggih punika upacara appasili sané kalaksanayang ring semengnyané. Upcara appasili punika upacara antuk nyegah malapetaka miwah gangguan antuk ngalaksanayang songka bala utawi tolah bala. Tolak bala punika sané kapercaya olih krama Bonto Bahari dados ritual sané pinih penting mangda jukung pinisi nénten ngamolihang gangguan ri tatkala malayar. Sané kaping tiga inggih punika ngaryanin ammossi utawi pusat jukung sané kalaksanayang ring petengnyané. Ammarosi inggih punika ngaryanin pusar utawi possi ring tengah lunas jukung nganggén bor. Sané kaping pat inggih punika ngluncurang jukung sané katarik olih jukung ka pasih sinarengan. Annyorong Lopi kadadosang wentuk kearifan lokal krama Bulukumba, nika ngawuktiang semangat manyamabraya, gotong royong, miwah etos makarya krama Bulukumba. Annyorong Lopi nénten dados upacara sané kadruwénin olih krama Bugis manten, nanging sampun dados ajang féstival ageng tur dados genah pariwisata. Saking warsa 2010, acara Annyorong Lopi sampun kalaksanayang dados acara budaya inggih punika féstival pinisi sané ketahnyané kalaksanayang ring bulan Septémber ring wawengkon Tokambang. Kelurahan Tanah Lemo, Kecamatan Bonto Bahari.
Acara ngaryanin pinisi punika ngamolihang penghargaan marupa sertifikat Pinisi The Art Of Boatbuilding dados Warisan Budaya Tak Benda saking UNESCO ring tanggal 27 Maret 2018 . Penghargaan punika kaserahang olih Direktur Jenderal (Dirjen) Kebudayaan Kemendikbud Hilmar Farid ring Pelabuhan Pendaratan Ikan (PPI) ring Tanah Beru Kecamatan Bontobahari.
- ↑ "Annyorong Lopi » Budaya Indonésia". budaya-Indonésia.org. Kaaksés 2020-11-24.