Andréa Bocélli

Saking Wikipédia
Loncat ke navigasi Loncat ke pencarian
Andréa Bocélli

Andréa Bocélli inggih punika silih sinunggil pagending pop ténor sané buta utawi nénten mrasidayang nyingakin malih. Andréa punika berkebangsaan Italia, ida embas ring Lajatico, Toscana, tanggal 22 Septémber warsa 1958, tur mangkin ida mayusa 60 tahun. Ida madué suara sané khas Italia tur akéh krama sané seneng nyingakin ida magending ring panggung-panggung operané.

Ritatkala mayusa nem warsa, ida ngawitin malajah piano, fluté, saksofon, trumpét, trombon, harpa, gitar, miwah drum[1]. Ida ngawitin karrier ring magending inggih punika ritatkala ida manadados jayanti ring pacentokan magending Margherita d'Oro ring Viareggio, tur ngendigang "O Sole Mio". Ida malajah indik hukum, tur nglanturang malajah indik gending-gendingan. Ida madué guru sané mawasta Luciano Bettarini. Ring warsa 1992, silih sinunggil pagending rock, Zucchero ngaryanin démo tapé gending Miserere nganggén suaranyané Andréa Bocélli tur kakirim ka Pavarotti. Ring sajebag jagaté ida kasub sangkaning magending sareng Sarah Brightman ngendingan Time to Say Goodbye. Ring warsa 1998, ida magending sareng Celine Dion, ngendingang "The Prayer". Gending sané mamurda "The Prayer" punika ngamolihang penghargaan Kusala Golden Globe kadadosang gending sané pantes kaanggén ring film Quest for Camelot.

Pustaka[uah | uah wit]

  1. "Andrea Bocelli Canto Ergo Sum Ya, Ya", Kompas, Jakarta, 21 May 2011