A.J. Bernet Kempers

August Johan Bernet Kempers (Hertogenbosch, 7 Oktober 1906 - Arnhem, 2 Méi 1992) inggih punika satunggil profésor Welanda ing Univérsitas Amsterdam lan lad diréktur Nederlands Openluchtmuseum.

Bernet Kempers (semeton saking ahli musik Karel Philippus Bernet Kempers) melajahin arkéologi, linguistik lan lelintihan budaya ing Univérsitas Leiden saking warsa 1926, ing dija ipun taler muputang disertasiné ring warsa 1933. Sesampun polih gelar doktor, ida makarya saking warsa 1933 ngantos 1936 ing 'Institute Kern', pusat kaahlian nasional antuk Asia Kelod miwah Himalaya ing Univérsitas Leiden. Ring warsa 1936 Bernet Kempers budal ka Hindia Welanda lan makarya riantara ipun dados pustakawan/manggala perpustakaan Koninklijk Bataviaasch Genootschap van Kunsten en Wetenschappen. Riantara warsa 1940 lan 1942 ida dados profesor arkeologi lan lelintihan purwa Indonésia ring Univérsitas Batavia. Ritatkala Yuda Jagat II warsa 1942 ngantos 1945 ida katahan ring kamp tahanan Yuda Jepang

Ring warsa 1956 Bernet Kempers mantuk ing Welanda. Saking warsa 1958 nganti 1971 ida dados diréktur Museum Udara Kabuka Welanda miwah saking warsa 1958 ida dados anggota komite satua rakyat. Ring warsa 1970 ida polih gelar profésor antuk pangangkatan kusus satua rakyat ring Univérsitas Amsterdam.

Agustus Johan Bernet Kempers seda ring tanggal 2 Méi 1992 ring Arnhem. Arsipné kasimpen rinh Institut Krajaan antuk Basa, Tanah, miwah Étnologi ring Leiden. Arsip puniki kaambil alih olih Perpustakaan Univérsitas Leiden.

Publikasi

• The bronzes of Nalanda and Hindu-Javanese Art. Leiden, E.J. Brill. (1933)
• Gandhara en de Graeco-Boeddhistische kunst in: Elseviers Geïllustreerd Maandschrift. Jaargang 43 (1933)
• Een Hollandsch gezantschap naar den Groot-Mogol in 1662 in: De Gids. Jaargang 100 (1936)