49 Days
49 Days inggih punika drama fantasi Koréa Selatan warsa 2011 sané kapraginain olih Jo Hyun-jae, Bae Soo-bin, Jung Il-woo, Lee Yo-won, Nam Gyu-ri, miwah Seo Ji-hye. Wenten duang dasa episode ring drama puniki tur kasiarang olih SBS mawit 16 Maret 2011 kantos 19 Méi 2011, nyabran Wraspati miwah Sukra. Drama puniki nyritayang indik anak istri sugih mawasta Shin Ji-hyun sané koma tur matemu sareng Malaikat Maut.[1][2]
Reringkesan[uah | uah wit]
Shin Ji-hyun, anak istri sugih sané madué timpal kakalih inggih punika Shin In-jung miwah Park Seo-woo. Makatatiga sampun raket pisan masawitra, sakadi masemeton. Shin Ji-hyun sampun matunangan sareng Kang Min-ho. Makakalih nenten prasida nganten saantukan Shin Ji-hyun matabrakan ngraris koma ring Rumah Sakit. Atmane Shin Ji-hyun raris matemu sareng Malaikat Maut. Shin Ji-hyun raris kaicen galah 49 rahina mangda ngamolihang tigang ketelan toyan panyingakan anak sané tresna sareng dané. Nanging nenten dados saking rerama miwah kulawarga. Yening Shin Ji-hyun prasida ngamolihang toyan panyingakan punika, dané pacang maurip malih. Sakewanten yéning sampun lintang 49 rahina dané nenten ngamolihang toyan panyingakan punika, dané pacang seda. Rikala lemah atmane Shin Ji-hyun ngranjing ring ragane Song Yi-kyung tur magae ring restoran timpalne sané mawasta Han Kang. Song Yi-kyung puniki anak istri ubuh sané kalara-lara saantukan katinggal seda olih tunangane sané mawasta Song Yi-soo. Ring lemah dané setata sirep tur ngawitin magae ri kala sampun peteng. Punika mawinan Shin Ji-hyun mrasidayang nyelang ragane Song Yi-kyung. Saantukan ngranjing ring ragane Song Yi-kyung, akeh sané prasida kauningin olih Shin Ji-hyun minakadi bapak dané sané keni sungkan tumor otak miwah tunangan dané, Kang Min-ho sané mamitra sareng Shin In-jung.[3][4]
Pragina[uah | uah wit]
Pragina Utama[uah | uah wit]
- Lee Yo-won pinaka Song Yi-kyung utawi Shin Ji-min
- Nam Gyu-ri pinaka Shin Ji-hyun
- Jo Hyun-jae pinaka Han Kang
- Bae Soo-bin pinaka Kang Min-ho
- Jung Il-woo pinaka Malaikat Maut utawi Song Yi-soo
- Seo Ji-hye pinaka Shin In-jung
Pragina Lianan[uah | uah wit]
- Bae Geu-rin pinaka Park Seo-woo
- Choi Jung-woo pinaka Shin Il-ik
- Yoo Ji-in pinaka ibune Shin Ji-hyun
- Son Byung-ho pinaka Oh Hae-won
- Moon Hee-kyung pinaka Bang Hwa-joon
- Kang Sung-min pinaka No Kyung-bin
- Yoon Bong-kil pinaka Cha Jin-young
- Kim Ho-chang pinaka Ki Joon-hee
- Jin Ye-sol pinaka Ma Soon-jung
- Lee Jong-park pinaka Ko Mi-jin
Pustaka[uah | uah wit]
- ↑ "49 Days - Koréan Drama - AsianWiki". asianwiki.com. Kaaksés 2021-06-07.
- ↑ "49 Days". Koréan Drama (ring Inggris). 2011-03-03. Kaarsipin saking versi asli tanggal 2021-04-21. Kaaksés 2021-06-07.
- ↑ Media, Kompas Cyber (2020-12-15). "Sinopsis 49 Days, Upaya Menukar Hidup dengan Tiga Tetes Air Mata Halaman all". KOMPAS.com (ring Indonesia). Kaaksés 2021-06-07.
- ↑ "Drama Korea - 49 Days (2011)". Tribunnewswiki.com (ring Indonesia). Kaaksés 2021-06-07.