Pura Ulun Suwi Tegallalang
 |
| Suratan niki wagian saking séri |
| Subak Bali subak·bali |
|---|
|
Wangunan |
|
Ritual & Festival |
|
Pakaryan
|
|
Komunitas |
Pura Ulun Suwi Tegallalang inggih punika silih tunggil pura sané maiketan ring subak sané kadruénang olih Sekaa Subak Gedé Langkih Tegallalang. Pura puniki magenah ring Banjar Gagah, Désa Tegallalang, Kecamatan Tegallalang, Kabupatén Gianyar, Bali. Pura Ulun Suwi kawangun ring subak utawi ring genah pupulang makudang-kudang subak sané nganggén embahan toya sané pateh[1].
Pura Ulun Suwi wit ipun saking kruna ulu sané mateges luhur miwah suwi sané mateges sawah, carik, utawi toya. Malarapan antuk wit kruna punika Pura Ulun Suwi madué piteges Uluning Sawah utawi genah utama ring sawah pinaka genah nunas karahayuan. Pura Ulun Suwi puniki taler pinaka palinggih utawi pura sané wénten ring genah toya kapertama medal saking bendungan sané selanturnyané kaembahang ka soang-soang carik malarapan antuk temukuaya [2].
Pura Ulun Suwi Tegallalang kaamong oleh limang subak inggih punika Subak Sukabaya, Subak Langkih, Subak Umadalem, Subak Telunayah, miwah Subak Kraman. Pura puniki pinaka genah ngamargiang upacara sekaa subak sekadi maguru piduka, nangluk merana, miwah upacara sané lianan. Maguru Piduka inggih punika upacara majeng Ida Sang Hyang Widhi Wasa sané maprabawa Sang Hyang Siwa sané matetujon nunas pangampura tur kaselametan ritatkala wénten pamargi sané iwang ring sajeroning magarapan ring sawah. Nangluk merana inggih punika upacara sané matetujon nunasang saluiring tetanduran mangda nénten karusak olih merana sinah prasida mupu nyabran warsa[1].
Wewangunan[uah | uah wit]
Wénten makudang-kudang palinggih sané wénten ring Pura Ulun Suwi sekadi, palinggih piasan pinaka genah ngenahang sarana upacara; Pelinggih Rare Angon pinaka sarana ngaturang bakti ring Ida Sang Hyang Widhi Wasa sané maprabawa Sang Hyang Raré Angon; Pelinggih Pengulun Subak; miwah Padmasari[1].
Pustaka[uah | uah wit]
- ↑ 1,0 1,1 1,2 Suryada, I Gusti Agung Bagus (11 Mei 2024). "Perubahan Fungsi Ruang pada Cultural Landscape Subak di Perkotaan: Studi Kasus Subak Padang Galak Kota Denpasar" (PDF). Jurnal Arsitektur Lansekap. 9: 144–152. line feed character in
|title=at position 55 (help); Check date values in:|date=(help) - ↑ "Pendalaman Bentuk, Fungsi dan Makna Keberadaan Pura Ulun Suwi". PTSP Kantor Kementerian Agama Kabupaten Karangasem (ring Indonesia). 2023-08-16. Kaaksés 2024-05-11.