Xiamen
Xiamen,[lower-alpha 1] sacara lelintihan karomanisasi dados Amoy, inggih punika kota sub-propinsi ring sisi kelod kangin Fujian, Républik Rakyat Cina, ring samping Selat Taiwan. Punika kakepah dados nem distrik: Huli, Siming, Jimei, Distrik Tong'an, Haicang, miwah Xiang'an. Makasami sinarengan, puniki nglikubin wewidangan 1,700.61 kilométer persegi (656.61 sq mi) antuk akéh panjak 5.163.970 diri 2020 miwah katarka 5,35 yuta duk 31 Désémber 2024. Urbanisasi wewidangan kota puniki sampun nglimbak saking pulo sujatiné ngantos ngranjing ring akéhnyané kepahan saking makasami nem distrik, taler 4 Distrik Zhangzhou (Distrik Xiangcheng, Zhangzhou, Longwen, Longhai miwah Changtai), sane ngawentuk wewidangan sane kawangun antuk panjak 7.284.148 diri.[2] Wewidangan puniki taler nyambung sareng Quanzhou ring sisi kalér, ngawentuk métropolis sané akéhnyané dasa yuta jadma.[3] Kapuloan Kinmen (Quemoy) sané kamargiang olih Républik Cina (Taiwan) magenah kirang saking 6 kilométer (4 mi) doh kapasahang olih Celuk Xiamen. Pinaka pahan saking Kawijakan Pambukaan ring sor Deng Xiaoping, Xiamen dados silih sinunggil saking papat wawengkon ékonomi khusus Cina sujati sané kabukak antuk invéstasi lan paadolan dura negara ring pangawit warsa 1980-an.
Pulo Xiamen madué pelabuhan internasional sané ageng. Pelabuhan Xiamen inggih punika pelabuhan jalur bongkol kelas satu sané sampun nglimbak becik ring wawengkon Asia-Pasifik. Puniki magenah ring peringkat pelabuhan kontainer sané pinih ageng kaping 7 ring Cina miwah magenah ring peringkat kaping 14 ring jagaté. Puniki pinaka pelabuhan kaping 4 ring Cina antuk kapasitas nanganin kapal kontainer sané ageng génerasi kaping 6. Ring tanggal 31 Agustus 2010, Pelabuhan Xiamen ngranjingang pelabuhan pisaga Zhangzhou mangda prasida ngawentuk pelabuhan sané pinih ageng ring Kelod Kangin Cina. Ngawit saking abad ka-12, Xiamen taler dados wit sané mabuat pisan majeng ring akéh para migran sané rauh nuju Singapura, Malaysia, Indonésia lan Filipina. Para Migran Cina dumun ngawantu lembaga pendidikan lan budaya Xiamen.[4] Xiamen sampun kaklasifikasiang pinaka Métropolis Pelabuhan Ageng.[5]
Xiamen inggih punika silih tunggil saking 40 kota sané pinih duur ring jagaté manut panilikan ilmiah sané sampun kaselehin olih Natural Index.[6]
- ↑ "Amoy". Oxford English Dictionary (édisi ka-Online). Oxford University Press. Mal:OEDsub
- ↑ "China: Jiāngsū (Prefectures, Cities, Districts and Counties) - Population Statistics, Charts and Map". Kaarsipin saking versi asli tanggal 2 October 2018. Kaaksés 9 January 2021.
- ↑ "Major Agglomerations of the World - Population Statistics and Maps". Kaarsipin saking versi asli tanggal 12 June 2018. Kaaksés 9 January 2021.
- ↑ "Hot Terms in China's Reform". CRI English. 31 October 2008. Kaarsipin saking versi asli tanggal 17 August 2018. Kaaksés 17 August 2018.
- ↑ Roberts, Toby; Williams, Ian; Preston, John (2021). "The Southampton system: A new universal standard approach for port-city classification". Maritime Policy & Management. 48 (4): 530–542. doi:10.1080/03088839.2020.1802785. S2CID 225502755.
- ↑ "Leading 200 science cities | Nature Index 2023 Science Cities | Supplements | Nature Index". www.nature.com (ring Inggris). Kaaksés 2023-11-22.
Pikobet nganggit: Ditemukan tanda <ref> untuk kelompok bernama "lower-alpha", tapi tidak ditemukan tanda <references group="lower-alpha"/> yang berkaitan