William Shakespeare
William Shakespeare[lower-alpha 1] (kr. 23 April 1564[lower-alpha 2] – 23 April 1616)[lower-alpha 3] inggih punika dramawan, penyair miwah aktor Inggris. Ida sampun kaloktah dados pangawi sane pinih utama ring basa Inggris lan dramatis sane pinih kaloktah ring jagaté. Ida sering kasengguh dados penyair nasional Inggris lan "Penyair saking Avon" utawi wantah "sang Bard". Karya-karyannyane sane kantun wénten, rumasuk kolaborasi, kawangun antuk makudang-kudang 39 drama, 154 soneta, tiga puisi narasi sané lianan sané dawa, makudang-kudang ayat. Drama-dramanyane sampun katerjemahang ka sabilang basa urip sane utama lan seringan kasolahang tekening drama sane lianan. Shakespeare tetep kabaos pinaka panyurat sané pinih mapangaruh ring basa Inggris, lan karya-karyannyané terus kaplajahin lan kainterpretasiang mawali.
Shakespeare embas tur tumbuh ring Stratford-upon-Avon, Warwickshire. Ring yusa 18 warsa, dané marabian sareng Anne Hathaway, sareng ipun madué raré tigang diri: Susanna, miwah kembar Hamnet tur Judith. Ring pantaraning warsa 1585 miwah 1592 dané ngawitin pakaryan sané becik ring London pinaka actor, pangawi, miwah pemilik bagian ("padruén saham") saking pautsahaan maplalian sané mawasta Lord Chamberlain's Men, selanturné dados King's Men sesampun panobatan Raja James VI saking Skotlandia nuju takhta Inggris. Ring yusa 49 (sawetara warsa 1613) ia kasinah sampun pensiun ka Stratford, ring dije ida padem telu warsa salanturne. Akidik catetan indik kahuripan pribadi Shakespeare sané kantun wenten; puniki sampun ngawinang spekulasi sane ageng indik parindikan sakadi panampilan fisiknyané, seksualitasnyané, kepercayaan agamanyané lan malah teori-teori sane pastika ring karya-karyanyane pinaka kasurat olih anak tiosan.
Shakespeare ngamedalang akéhan karya-karyannyané sané kauningin pantaraning warsa 1589 lan 1613. Drama-drama pangawitnyané utamanyané komedi lan babad lan kaanggep pinaka makudang-kudang karya sané pinih becik sane kakaryanin ring genre-genre puniki. Ida raris nyurat utamannyané tragedi ngantos warsa 1608, ring pantaraning ipun Hamlet, Othello, King Lear tur Macbeth, samian kabaos silih sinunggil karya sane pinih becik ring basa Inggris. Ring fase pamuput kahuripannyane dane nyurat tragikomedi (taler kaloktah dados roman) sakadi The Winter's Tale tur The Tempest, saha makolaborasi sareng para dramawan sané lianan.
Akéh drama Shakespeare sané kamedalang saking édisi sane mabinayan kualitas lan akurasi sasuen uripné. Sakémanten, ring warsa 1623 John Heminges lan Henry Condell, kalih sawitra aktor lan sawitra Shakespeare, nerbitang téks sane lewih pasti sané kauningin pinaka First Folio, edisi sane kapupulang sesampun padem saking karya-karya drama Shakespeare sane ngranjing 36 dramanyane. Purwakanyane ngranjing puisi prescient olih Ben Jonson, lad pasaing Shakespeare, sané ngajunjung Shakespeare antuk parab sané mangkin kasub: "nénten saking yusa, nanging antuk makasami galah".
- ↑ 1,0 1,1 Schoenbaum 1987, pp. 24–26.
- ↑ Schoenbaum 1987, p. xv.
- ↑ /ˈʃeɪkspɪər/
- ↑ Kapercayaan indik Shakespeare embas ring tanggal 23 April punika wantah tradisi lan nénten yakti sané sampun kaverifikasi;[1] cingak § Pamahbah kauripan ring sor. Ida kabaptis 26 April.[1]
- ↑ Tanggal nginutin kalender Julian, sane kaanggen ring Inggris selantang masa urip Shakespeare, nanging antuk awal warsa kasesuaiang antuk 1 Januari (cingak tanggal Gaya Lami lan Gaya Anyar). Ring sor kalénder Gregorian, sané kaambil ring negara-negara Katolik duk warsa 1582, Shakespeare padem ring tanggal 3 Méi.[2]