Wakil Présidén Indonésia
| Wakil Présidén Républik Indonésia | |
|---|---|
 Lambang Negara Indonésia | |
 Lambang Wakil Présidén | |
| Pamréntah Indonésia | |
| Gelar |
|
| Kantor | Istana Wakil Présidén Indonésia |
| Katunjuk olih | Pamilihan umum langsung |
| Masa jabatan | 5 warsa, prasida kaanyarin apisan |
| Pejabat perdana | Mohammad Hatta |
| Kaadegang | Agustus 18, 1945 |
| Situs web | www |
|
| Suratan niki dados wagian saking seri Politik miwah Ketatanegaraan Indonésia |
|
|
|
|
| Hubungan dura negara |
Wakil Présidén Républik Indonésia, ketah wantah Wakil Présidén utawi kaancengang Waprés, inggih punika asistén Présidén Républik Indonésia pinaka manggala negara miwah manggala pemerintah saking Indonesia. Pinaka asistén manggala negara, Wakil Présidén pinaka simbol resmi negara Indonesia ring jagat sané parilaksanannyane pateh sareng Présidén pinaka manggala negara. Pinaka asistén manggala pamréntah, Wakil Présidén inggih punika asistén Présidén sané wantuannyane ring baduur sané kaicenin olih Mentri, ngambel éksekutif kekuasaan anggen ngamargiang pamréntah sarahina sane kasesanain ring ida. Wakil Présidén ngamargiang swadharma salami 5 warsa, lan salanturnyane prasida kapilih malih ring jabatan sane pateh salami apisan masa salanturnyané.
Wakil Présidén inggih punika jadma sane pinih madué pengaruh lan ngambel kekuasaan sane pinih ageng kaping kalih sesampun Présidén Republik Indonesia ring Negara Kesatuan Republik Indonesia. Wakil Présidén inggih punika sane kapertama ring barisan suksesi Présidén. Pawangunan Wakil Présidén kawangun duk warsa 1945 madasar antuk Undang-Undang Dasar 1945, sané sadurungnyane sampun kakaryanin olih Badan Penyelidik Usaha-Usaha Persiapan Kemerdekaan (BPUPKI). Wakil Présidén Indonesia sané kapertama inggih punika Mohammad Hatta, sané kaadegang sinarengan sareng pengangkatan Soekarno dados Présidén Indonesia sane kapertama ring tanggal 18 Agustus 1945, arahina sesampun Indonesia merdeka.
Jabatan Wakil Présidén ring Indonesia puyung saking warsa 1957 ngantos 1967 duk pamréntahan Sukarno. Sasampune punika, ritatkala Suharto kaadegang dados pejabat Présidén, saking warsa 1967 ngantos 1968, rumasuk ritatkala dane pastika dados Présidén (1973), jabatan puniki taler puyung. Jabatan Wakil Présidén wantah kadagingin malih ritatkala Hamengkubuwana IX nampingin Soeharto duk tanggal 24 Maret 1973.