Vaksin rabiés
Vaksin rabiés inggih punika vaksin sané kaanggén antuk nyegah rabiés.[1] Wénten makudang vaksin rabiés sané aman lan éféktif.[1] Vaksinasi mangda kaicenin sadurung paparan virus rabiés utawi ring masa laten sesampun keni antuk nyegah penyakit punika. Transmisi virus rabies majeng ring manusa ketahnyané mamargi malarapan antuk tegoran utawi regésan saking buron sané keni inféksi, nanging paparan prasida mamargi malarapan antuk kontak nénten langsung sareng poos saking individu sané keni inféksi.[2]
Dosis ketahnyané kaicain saking cukitan nuju kulit utawi otot. Risampune kapapar, vaksinasi ketahné kaanggén sareng imunoglobulin rabiés. Kasaratang mangda sang sané madué résiko ageng keni vaksinasi sadurung keni poténsi. Vaksin rabiés punika éféktif ring manusa lan buron sané lianan, lan vaksin asu punika éféktif pisan ring sajeroning nyegah penyebaran rabiés majeng ring manusa. Kakebalan sané langgeng majeng ring virus puniki nglimbak risampuné ngamargiang perawatan sané jangkep.[1]
Vaksin rabiés prasida kaanggen antuk aman olih makasami sekaa yusa. Sawatara 35 ngantos 45 persén jadma nglimbakang masa sané singkat barak lan nyeri ring genah suntikan, lan 5 ngantos 15 persén jadma minab ngarasayang demam, sakit sirah, utawi seneb.[1] Risampuné keni rabiés, nénten wénten kontraindikasi kawigunannyané, santukan virus sané nénten karawat punika sujatinnyané 100% fatal.[1][3]
Vaksin rabies kapertama kasobyahang Louis Pasteur duk warsa 1885 taler kasarengin antuk soroh sané katincapang duk warsa 1908.[4] Langkungan saking 29 yuta jadma ring sajebag jagat ngamolihang vaksin rabiés manusa nyabran warsa.[5] Tamba niki kaanggit ring Lis Tamba Esensial Organisasi Kesehatan Jagat.[6][7]
- ↑ 1,0 1,1 1,2 1,3 1,4 World Health Organization (2018). "Rabies vaccines: WHO position paper – April 2018" (PDF). Weekly Epidemiological Record. 93 (16): 201–19. hdl:10665/272372. Kaarsipin (PDF) saking versi asli tanggal 7 October 2022. Kaaksés 28 August 2022.
- ↑ Rupprecht CE, Hanlon CA, Hemachudha T (June 2002). "Rabies re-examined". The Lancet. Infectious Diseases. 2 (6): 327–343. doi:10.1016/S1473-3099(02)00287-6. PMID 12144896.
- ↑ Ombary G (2023-10-10). "Rabies 99.9% fatal, but highly preventable —PCP". GMA News Online (ring Inggris). Kaarsipin saking versi asli tanggal 11 October 2023. Kaaksés 2023-10-14.
- ↑ Nunnally B (2014). Vaccine Analysis: Strategies, Principles, and Control. Springer. p. 63. ISBN 9783662450246. Kaarsipin saking versi asli tanggal 5 March 2016.
- ↑ "Rabies". www.who.int (ring Inggris). Kaaksés 2024-08-13.
- ↑ World Health Organization (2019). World Health Organization model list of essential medicines: 21st list 2019. Geneva: World Health Organization. hdl:10665/325771. WHO/MVP/EMP/IAU/2019.06. License: CC BY-NC-SA 3.0 IGO.
- ↑ World Health Organization (2021). World Health Organization model list of essential medicines: 22nd list (2021). Geneva: World Health Organization. hdl:10665/345533. WHO/MHP/HPS/EML/2021.02.