Tetingkesan

Tetingkesan inggih punika kruna basa ngandap kasor, tegesnyané bebaos sané kanggén ri kala ngandapang raga. Tetingkesan lingganipun "tingkes", sané madué arti ringkes, ngalitan sané polih pangiring "-an" dados tetingkesan.

Conto

1. "Durusang malinggih pak, kanggéang nénten wénten genah malinggih!" Kawéntenannyané, genah sané wénten becik, kursi empuk saha resik.
2. "Sameton sami, duaning sampun galah, ngiring ka perantenan, kanggéang ulamnyané tasik-tasik manten!" Kawéntenannyané, ajengané madaging reramon makéh pisan.
3. "Durus unggahang, kanggéang toyané tabah!" Yakti-yakti nénten wénten gohnyané, duaning genah warung sané ngadol sanganan doh.
4. "Mai medaar ka paon kangguang nasi ken uyah!"
5. "Kanggoang singgah polos nah, sing maan ngidih apa!"
6. "Lugrayang titiang nunas ampura riantuk genah titiangé kaon pisan!"
7. "Kanggoang nah umah uwug, tongos negak sing ja ada!"
8. "Ampura ratu titiang kamulan panjak kaliantang tambet!"
9. "Aksamang ukudan bapane, bapa belog anggon cening rerama!"
10. "Dini luh ngayahin I Beli Madé, kanggoang metapa lacur."