Tari Isosolo
Isosolo utawi Isolo inggih punika igelan druén suku Sentani. Igelan puniki kaadegan olih Ondoafi taler kamiletin olih krama suku sané sedek ngigel ring ajeng jukung ring Danu Sentani. Duk maigelan, pamargi igelan puniki mamargi ring jukung sane nglintangin siki désa ka désa lianan sané magenah ring Danu Sentani.
Kruna Isosolo mawit saking kalih kruna inggian punika Iso miwah Solo utawi Holo. Iso mateges girang utawi ngigel malarapan antuk isin hati. Solo utawi Holo inggih punika sekaa saking anak alit utawi anak kelih sané sedeng ngigel. Isosolo madué teges pinaka sekaa sané sedeng ngigel antuk manah sane girang utawi sukacita nedunang isin ati.
Igelan Isolo kepah malarapan antuk anak lanang miwah isteri sane kamiletin olih 30 ngantos 50 jadma. Mangdane sida nyangkepin genah pragina ring jukungan, igelan puniki nganggen makudang-kudang jukung sane ageng. Jukunge karatepang tur kadagingin kayu ring tengahnyane ngantoas genahe cukup. Risampuné ratep, jukungé pacang kahias antuh don nyuh utawi don puring. Don-donan puniki taler ketah kaanggén ngias padéwékan utawi ngias piranti seni adat. Duk maigelan, para pragina isosolo kajangkepin antuk mabusana adat sekadi siot utawi rumbai-rumbai (Yonggoli), manik-manik, noken, tifa, miwah piranti maperang tradisional Papua sekadi busur lan panah.
Igelan Isolo dados silih tunggil igel-igelan sané setata kaigelang ring ilén-ilén Festival Danu Sentani. Festival puniki pinaka festival wisata sané kalaksayanang ring Khalkote Kampung Harapan, Distrik Sentani Timur, Kabupaten Jayapura, Papua ngawit warsa 2007.Festival e puniki taler kadadosang tetamian leluhur saking krama Sentani tur pinaka acara sané kaanggén nuldul kayun wisatawané mangdané arsa malila cita ka Danu Sentani.