Tapak jeriji
Tapak jeriji utawi tapak tangan inggih punika kesan sane katinggal olih gesekan permukaan jeriji manusa. Paulihan tapak jeriji kawéntenan saking TKP inggih punika metode sane mabuat ilmu forensik. Kelembaban lan lengis ring jerijin ngasilang tapak jeriji ring permukaan sekadi kaca utawi logam. Kesan sane kasengaja saking makasami tapak jeriji prasida kapolihang antuk tinta utawi zat sane lianan sane kagingsirang saking puncak-puncak punggung gesekan ring kulit nuju permukaan sane leh sekadi kertas. Cakepan tapak jeriji ketahné madaging kesan saking pad ring sendi pamuput jerijin lan inan lima, yadiastun kartu tapak jeriji taler ketahné nyatet kepahan saking area sendi sor jempol.
Tapak jeriji manusa rinci, unik, sukil kauwah, taler prasida ajeg salami kauripan angga, ngawinang cocok pinaka cihna identitas manusa jangka lantang. Ipun prasida kaanggen olih polisi utawi sang sane madué wewenang tiosan anggén ngidentifikasi angga sane kayun nyimpen identitasnyane, utawi ngidentifikasi jadma sané nénten mampu utawi padem mawinan nénten prasida ngidentifikasi angga, sakadi sesampun bencana alam.
Kawigunannyane pinaka bukti sampun katantang olih para akademisi, hakim miwah média. Nénten wénten standar sané pateh anggén metode ngitung titik, miwah para akademisi maosang indik tingkat kaiwangan ring tapak jeriji sané cocok durung jangkep kaplajahin miwah indik bukti jeriji jari nénten madué dasar statistik sané aman.[1] Penelitian sampun kamargiang indik napike para ahli prasida objektif ngutamayang gatra fitur ring tapak jeriji nenten kaiwangan olih gatra sane tiosan, sekadi konteks.[2]
- ↑ Paul Roberts (2017). Expert Evidence and Scientific Proof in Criminal Trials. Routledge. ISBN 978-1-351-56739-8.
- ↑ Dror, I.E., Charlton, D. and Péron, A.E. (2006) "Contextual information renders experts vulnerable to making erroneous identifications Archived Juli 9, 2019, at the Wayback Machine", Forensic Science International, Vol. 156, Iss. 1, pp. 74–78.