Taman Segara Saguenay–St. Lawrence
IUCN Kategori II (Taman Nasional)
| |
.JPG) | |
| Genah | Baie-Sainte-Catherine, Regional County Munisipalitas Charlevoix-Est / Sacré-Coeur, lan Tadoussac, Regional County Munisipalitas La Haute-Côte-Nord, Quebec, Kanada |
| Nampek kota | La Baie, Tadoussac |
| Koordinat | 48°04′11″N 69°39′41″W / 48.06967°N 69.66151°W |
| Jimbar | 1,246 km2 (481 sq mi)[1] |
| Kaadegang | 8 Juni 1998 [2] |
| Karauhin | 1,070,634 (warsa 2022-2023[3]) |
| Sané Ngalola | Parks Canada, Sépaq |
 | |
Taman Segara Saguenay–St. Lawrence (Inggris: Saguenay–St. Lawrence Marine Park) inggih punika Wawengkon Konservasi Segara Nasional, silih sinunggil saking tiga ring sistem taman nasional Kanada, magenah ring genah Tukad Saguenay matemu sareng Loloan maritim Tukad St. Lawrence.[4] Taman puniki kakelola sinarengan olih Parks Canada (Pameréntah Kanada) lan Sépaq (Pameriméntah Quebec).[4] Puniki wantah taman kapertama ring makasami Kanada sané nyaga palemahan segara murni, lan nglikubin jimbar pamukaan 1,245 km2.[4] Wawengkon sané mangkin dados Taman Segara Saguenay-St. Lawrence inggih punika pahan saking klaim tanah First Nation, miwah pasubayan sané kapolihang saking klaim puniki prasida mapanglalah ring parikrama sané kamargiang ring taman punika.[4] Wawengkon sané wénten ring wawidangan taman puniki pinaka pahan sanébmabuat saking lelintihan Kanada, pinaka silih tunggil titik kontak kapertama inggian krama adat miwah Panjelajah Éropa miwah genah embas paadolan bulu antarbenua.[4]
Loloan Maritim St. Lawrence kakawitin ring Fjord Saguenay patemon puniki ngawentuk ékosistem sané mabinayan antuk spésiés ring taman.[4] Spésiés paus mabinayan khususné kakedeng ring pasokan ajeng-ajengan sané sugih kaaduk olih pencampuhan toya puniki. Silih sinunggil spesies puniki inggih punika paus Beluga St. Lawrence, sané éndemik majeng ring Kanada lan spésiés sané ngeranjing keni resiko.[5] Parilaksana sané pinih kasub ring taman niki inggih punika nyingakin paus.[6] Taman puniki ngicénin makudang-kudang galah ring duur lan ring jaba toya mangda para pengunjung prasida nyingakin. Wénten makudang-kudang dampak manusa sané ngancam taman punika minakadi pagentosan iklim, polusi suara, polusi kimia, lan lebian mencar, akéh sané durung jangkep karesepang.
- ↑ "Registre des aires protégées du Québec" (PDF). Ministère du Développement durable, de l'Environnement et des Parcs du Québec. Kaaksés 2008-04-27.
- ↑ Branch, Legislative Services (2015-02-26). "Consolidated federal laws of canada, Saguenay-St. Lawrence Marine Park Act". laws-lois.justice.gc.ca. Kaarsipin saking versi asli tanggal 2021-02-08. Kaaksés 2020-09-28.
- ↑ "Parks Canada attendance 2022_23 - Parks Canada attendance 2022_23 - Open Government Portal".
- ↑ 4,0 4,1 4,2 4,3 4,4 4,5 Parks Canada Agency, Government of Canada (2019-03-19). "Saguenay–St Lawrence Marine Park Management Plan 2010 - Saguenay–St. Lawrence Marine Park". www.pc.gc.ca. Kaaksés 2022-10-12.
- ↑ "Species at risk registry". species-registry.canada.ca. Kaaksés 2022-10-12.
- ↑ "Fjord and river – Parc marin du Saguenay-Saint-Laurent" (ring Inggris). Kaaksés 2022-10-13.
- Official site of Saguenay–St. Lawrence Marine Park
- Saguenay–St. Lawrence Marine Park ring Parks Canada
