Taman Nasional Vadehavet

Taman Nasional Vadehavet
Taman Nasional Vadehavet
Nationalpark Vadehavet
	Segara Wadden kacingak saking Rømødæmningen
Genah	Pahan Denmark saking Segara Wadden, Denmark
Koordinat	55°15′00″N 8°28′59″E / 55.25°N 8.483°E
Jimbar	1,466 km2 (566 sq mi)
Kaadegang	16 Oktober 2010 (kaadanin 17 Januari 2008)
Sané Ngalola	Kamenterian Palemahan Urip Denmark
	https://eng.nationalparkvadehavet.dk/
Tanah Belus Ramsar
Aran resmi	Vadehavet
Kaadegang	14 Méi 1987
Pustaka no.	356

Taman Nasional Vadehavet (Dénmark: Nationalpark Vadehavet) kadadosang taman nasional Denmark ring tanggal 17 Januari 2008, ngawit saking warsa 2010.^[2] Taman Nasional Vadehavet inggih punika taman nasional Denmark sané pinih ageng ring jaba Greenland lan nglikubin kepahan Denmark saking Segara Wadden saking Ho Bugt ngantos pawatesan Jerman, tur ngranjing ring nusa-nusa Fanø, Mandø lan Rømø, taler Skallingen, lebah Varde Å, lan akeh tanah rawa Tjæreborgmarsken, Ribemarsken, Margrethekogen miwah De Ydre Diger in Tøndermarsken.

Segara Wadden kaloktah ring internasional pinaka genah masandekan yutaan kedis migrasi, lan langkungan saking 10 yuta saking ipun nglintangin Segara Wadden ping kalih awarsa. Kawanan ageng jalak Éropa prasida kapanggihin sané makeber ring formasi sané kaloktah pinaka sort sol. Segara Wadden taler madué akéh kedis sané mataluh, ulam, lan invertebrata sakadi bintang segara lan kerang pelung. Punika ngicenin genah majeng ring lintangan saking 500 soroh entik-entikan lan buron. Santukan kaakéhan soroh kauripan sané unik lan ekosistem antar pasang susut sané utuh, ngawit warsa 2014 sampun dados pahan Denmark saking Situs Tetamian Jagat Segara Wadden.^[3] Rajaputra Joachim saking Denmark inggih punika Panyaib Pusat Segara Wadden.

Jimbar 97% dari taman nasional pinaka pahan saking Natura 2000,^[2] kakepah dados makudang-kudang wewidangan: suaka kedis, suaka satwa lan Tanah belus Ramsar sané mabuat ring internasional. Wewidangan punika kawangun antuk bioma sekadi pasih asah sané endep, saluran pasang susut, datar pasang susut, loloan, padang tegal pasih, bias asah lan bukit bias.

Pustaka

↑ "Vadehavet". Ramsar Sites Information Service. Kaaksés 25 April 2018.
↑ ^2,0 ^2,1 Nationalpark Wadden Sea Vadehavets formidlerforum (the collaboration of 'Wadden Sea communication forum') (ring basa sané nénten kauningin)
↑ Wadden Sea World Heritage Site at waddensea-worldheritage.org. Retrieved on 29 April 2010.

Pranala jaba

Mal:Taman Nasional ring Denmark Mal:World Heritage Sites in the Kingdom of Denmark

[1] "Vadehavet". Ramsar Sites Information Service. Kaaksés 25 April 2018.

[vadehavet1-2] 2,0 ^2,1 Nationalpark Wadden Sea Vadehavets formidlerforum (the collaboration of 'Wadden Sea communication forum') (ring basa sané nénten kauningin)

[3] Wadden Sea World Heritage Site at waddensea-worldheritage.org. Retrieved on 29 April 2010.

[1]

[2]

[3]