Taman Nasional Hohe Tauern

Taman Nasional Hohe Tauern
Peta taman nasional (warsa 1992)
Genah	Austria
Nampek kota	Mittersill, Spittal an der Drau, Zell am See, Lienz
Koordinat	47.099527°N 12.656825°E / 47.099527; 12.656825
Jimbar	1,856 km2 (717 sq mi)
Kaadegang	1981

Taman Nasional Hohe Tauern inggih punika taman nasional ring Austria sané pinih ageng tur ring Pagunungan Alpen, sapunika becik dados wawengkon saiban sané pinih ageng ring Éropa Tengah. Ipun ngacakupin pahan ageng saking Alpen tengah munduk utama Alpen Kangin ring Austria ring wawengkon Hohe Tauern riantara wit Tukad Isel, Möll, Mur lan Salzach saha ngapentang selantang 100 km saking kangin nuju kauh lan selantang 40 km saking kalér nuju kelod. Sareng jimbar wawidangan langkung saking 1800 km², pinaka pahan saking negara wagian féderal Austria. Salzburg, Tyrol tur Kärnten. Segitiga pawatesan magenah ring Eiskögele.

Taman Nasional Hohe Tauern kaciriyang olih padang glétser sané jimbar (sawatara 130 km²), lebah sané kawentuk selami masa es sareng sirah lebah sané ngulangunin, kojong aluvial sareng abing sané ageng, padang tegal tur semak alpine taler wana sané jimbar madaging larch, cemara tur pinus batu.

Taman Nasional Hohe Tauern sampun wénten daweg warsa 1981 miwah asapunika dados Taman Nasional ring Austria kpertama sané kaadegang. Wénten makudang Lembaga Pendidikan ring tiga negara wagian féderal sané nyadiayang pawikanan pamahbah indik Taman Nasional Hohe Tauern.