Suaka Segara Nasional Monitor (Inggris:Monitor National Marine Sanctuary) inggih punika genah bangké kapal USSMonitor, silih sinunggil bangké kapal pinih kaloktah ring lelintihan Amérika Serikat. Kapal niki katetapang dados suaka segara nasional kapertama ring negarané daweg 5 Pébruari 1975,[2] lan wantah silih sinunggil wantah kalih saking pitulas[3] suaka segara nasional sané kaadegang antuk nyaibin wit wasa budaya lan nénten wit wasa palemahan. Suaka niki madaging kolom toya 1 mil laut (1.2mi; 1.9km) sareng diaméter sané ngelantang saking pamukaan segara ngantos dasar segara, ring nampekan bangké kapal perangIronclad saking aab Perang Semeton Amérika, sané magenag 16 mil laut (18mi; 30km) kelod-kelod kangin Ponjok Hatteras, Carolina Kalér. Kedaleman toya rerata ring genah pasaiban punika 230 kaki (70m). Saking kelebné duk warsa 1862, Monitor sampun manados terumbu karang gaénan sané nudut kayun akéh spésiés ulam, minakadi amberjack, bass segara ireng, tiram emplegan, miwah barakuda ageng.
