Suaka Segara Nasional Florida Keys (Inggris: Florida Keys National Marine Sanctuary) inggih punika Suaka Segara Nasional Amérika Serikat ring Florida Keys. Niki sajeroning Florida Reef, wantah asiki terumbu karang panghalang ring Amérika Kalér[1] miwah terumbu panghalang pinih ageng katiga ring jagat. Iriki taler wénten wana bakau lan padang tegal lamun sané jimbar. Suaka Segara Nasional Florida Keys, katetapang daweg tanggal 28 Désémber 1990,[2] pinaka genah saiban segara nasional kasia sané kaadegang. Suaka Segara Nasional Florida Keys nyaibin sawatara 2,900 square mil laut (9,947 km2; 3,840 sq mi) patoyaan pasisir lan pasih saking patoyan loloan Florida Kelod ring selantang kapuloan Florida Keys miwah jalur Hawk Channel, ngacakupin langkung saking 1.700 nusa, ngalikubin Taman Nasional Dry Tortugas, ngantos Samudra Atlantik, Celuk Florida, miwah Celukan Méksiko.
Misi suaka inggih punika nyaga wit wasa segara Florida Keys sinambi ngawentenang fasilitas kawigunan manusa sané konsistén sareng tatujon utama pasaiban wit wasa. Toya miwah habitat suaka puniki nyokong kaakéh soroh spésiés sané tegeh santukan wénten spésiés tropis miwah subtropis, rumasuk komunitas padang tegal lamun sané pinih ageng sané sampun kadokumentasiang ring pahan gumi kalér miwah habitat karang sané jimbar. Suaka puniki taler genah wit wasa tetamian segara sané nglintangin aab lelintihan sané jimbar.
