Cebur nuju daging

Suaka Segara Nasional Cordell Bank

Koordinat: 38°04′00″N 123°22′04″W / 38.06659°N 123.36778°W / 38.06659; -123.36778
Saking Wikipédia
Suaka Segara Nasional Cordell Bank
IUCN Kategori V (Lanskap Darat/Pasih Saiban)
Terumbu karang mabatu
GenahCordell Bank, California, Amérika Serikat
Koordinat38°04′00″N 123°22′04″W / 38.06659°N 123.36778°W / 38.06659; -123.36778[1]
Jimbar1,286 sq mi (3,330 km2)
Kaadegang
  • Méi 24, 1989; sampun 36 warsa (1989-05-24)
  • Kajimbarang 2015
Sané NgalolaNational Ocean Service NOAA
http://cordellbank.noaa.gov/
Peta wawidangan suaka. Pantai California magenah ring tengen duur, miwah pusat administrasi, sané magenah ring bongkahan granit, masisian sarengné. Suaka sané sujatiné magenah langkung ka kiwa, miwah mawarna pelung tua.

Suaka Segara Nasional Cordell Bank (Inggris: Cordell Bank National Marine Sanctuary) inggih punika suaka segara sané magenah ring pasih California. Suaka niki nyaibin satwa liar segara ring wawengkon majimbar 1,286 sq mi (3,331 km2). Pusat administrasi suaka niki magenah rinh bongkahan granit pasih 4.5 sq mi (12 km2) olih 9.5 sq mi (25 km2), magenah ring landas kontinen ring pasih California. Singkapanné, ring titik pinih nampekné (Point Reyes), 6 mi (10 km) saking suaka nika ngeraga.[2]

Cordell Bank inggih punika silih sinunggil saking 13 Suaka Segara Nasional Amérika Serikat sané nyaibin tur ngalestariyang ekosistem segara ring AS. Cordell Bank inggih punika gunung segara sawatara 50 mil (80 km) sikauh segara San Francisco ring dija dasar segara munggah ngantos ring kadaleman 115 kaki (35 méter) saking pamukaan.[3] Gunung segara niki kacunduk duk warsa 1853 olih Survei Pasisi Amérika Serikat, miwah kaparinamain Edward Cordell, sang sané nyurvéi wawengkom punika luwih jangkep duk warsa 1869. Paindikan kajelajahin tur kapidartayang sacara jimbar selami warsa 1978–86 olih Robert Schmieder, sané ngawedar monograph paindikan niki [Schmieder, 1991]. Sampun kasaibin dados genah pasaibak daweg 24 Méi 1989.[4] Wawengkon saiban niki ngalikubin 526 mil pesagi (1347 km2) saking segara.

Paduan unik ri antara paindikan segara lan topographi sor segara ngaripta ékosistem sor segara sugih tur maragam. Satunggil nusa ring sor pamukaan mumbul saking sedimén lunak sané nekepin landas kontinén. Puncak-puncakné ngantos kadaleman 115 ft (35 m), lan kadaldman reratané inggih punika 400 ft (122 m). Genah pasaiban niki maguna dados genah manakang antuk mamalia segara, kedis, lan ulam sané mamigrasi. Arus California sané dominan membah nuju kelod selantang pasisi, ngeranyang munggahné toya sané sugih nutrisi sané nyadiayang aled antuk ékosistem segara ring wawengkon punika.[2]

Awig-awig suaka nénten ngicénin ékstraksi hidrokarbon (lengis, gas alam), ngicalang organisme bentik (nyenengin dasar segara), ngutang limbah, miwah ngicalang wit wasa budaya. Panyileman SCUBA rékréasi nénten nenten kasaratang ring genah pasaiban puniki santukan dalem lan arusnné.

Pustaka

[uah | uah wit]
  1. ↑ Mal:Gnis
  2. ↑ 2,0 2,1 "About the Sanctuary". NOAA. Kaaksés 25 November 2009.
  3. ↑ "Cordell Bank National Marine Sanctuary" at NOAA.gov
  4. ↑ "Sanctuary Designations & Expansions". NOAA. Kaaksés October 17, 2024.

Karya kaanggit

  • "A National Marine Sanctuary: Cordell Carpenter Bank," Published by the National Marine Sanctuary Program of the National Oceanic and Atmospheric Administration (NOAA)
  • Schmieder, Robert W., 1991, Ecology of an Underwater Island, Published by Cordell Expeditions, Walnut Creek, CA, http://www.cordell.org. See also: Schmieder Bank
  • Stallcup, Richard. 1990. Ocean Birds of the Nearshore Pacific, Point Reyes Bird Observatory, Stinson Beach, CA. 214 pp.

Pranala jaba

[uah | uah wit]
Kapolihang saking "https://ban.wikipedia.org/w/index.php?title=Suaka_Segara_Nasional_Cordell_Bank&oldid=241016"