Southwark (borough London)

Borough London Southwark (Inggris: London Borough of Southwark, /ˈsʌðərk/ (renge^ⓘ) SUDH-ərk) ring London Kelod paham saking London Jero miwah kasambungang antuk kreteg nglintangin Tukad Thames nuju Kota London miwah Borough London Tower Hamlets. Puniki kakaryanin duk warsa 1965 rikala tigang wewidangan déwan sané alitan kadadosang siki ring sor Undang-undang Pamréntah London 1963. Makasami distrik ring wewidangan punika magenah ring distrik pos London. Puniki kaatur olih Déwan Borough Southwark London.

Bagian South Bank ring jeroning kota inggih punika umah stasiun terminal Kreteg London lan objek wisata The Shard, Tate Modern, Shakespeare's Globe lan Pasar Borough sané pinih ageng ring Southwark anggen ngambil pariwisata internasional lan doméstik. Dulwich pinaka umah Galéri Gambar Dulwich miwah Museum Perang Imperal magenah ring Elephant and Castle. Distrik utama minakadi Bermondsey, Rotherhithe, Peckham, Camberwell, miwah Dulwich.