Smilodon
Smilodon inggih punika soroh kucing sané sampun punah. Puniki silih sinunggil predator bergigi saber sane pinih kaloktah lan mamalia prasejarah. Yadiastun sampun ketah kauningin pinaka macan bergigi saber, punika nénten mapaiketan sareng macan utawi meong modern tiosan, ngranjing ring subfamili Machairodontinae sané sampun punah, antuk tanggal sané katarka matiosan saking leluhur meong sané kantun maurip sawatara 20 yuta warsa sané sampun lintang. Smilodon inggih punika silih tunggil buron sané pinih untat sané kantun maurip ring samping Homotherium. Smilodon maurip ring Amerika selami masa Pleistosen ngantos pangawit masa Holosen (2,5 mya – pinih untat 8.200 warsa sané sampun lintang). Génus puniki kawastanin duk warsa 1842 madasar antuk fosil saking Brasil; wastan generik punika maartos 'bius bedah' utawi 'pisau bermata dua' sane kaadungang sareng 'gigi'. Tigang soroh sane sampun kauningin mangkin inggih punika: S. gracilis, S. fatalis, miwah S. populator. Kalih spesies sané kaping untat minab mawit saking S. gracilis, sané minab maevolusi saking Megantereon. Panyatusan spesimen sané kapolihang saking Lubang Tar La Brea ring Los Angeles pinaka pupulan fosil Smilodon sané pinih ageng.