Sistem panyuratan basa Jepang
| Jepang | |
|---|---|
 Novel Jepang sané nganggén kanji kana majiri bun (téks sané nganggén kanji lan kana), ortografi pinih ketah antuk basa Jepang modérn. Karakter Ruby (utawj furigana) taler kaanggén antuk kruna-kruna kanji (ring pawedaran modérn, niki ketah kaicalang antuk kanji sané kaloktah). Téksné ring rupa tradisional gaya tategaki ("suratan jegjeg"); kawacén saking sor nuju duur lan saking tengen nuju kiwa, minakadi basa Mandarin tradisional. Kawedar duk warsa 1908. | |
| Soroh aksara | |
| Basa | Basa Jepang Basa Ryukyuan Basa Hachijō |
Periode | Abad ka-4 Maséhi ngantos mangkin |
Warin | |
| Arah panulisan | Mal:ISO 15924 direction |
| ISO 15924 | Jpan, 413 |
Aran Unicode | Varies |
| U+4E00–U+9FBF Kanji U+3040–U+309F Hiragana U+30A0–U+30FF Katakana | |
Sistem panyuratan Jepang modérn nganggen kombinasi logograpi kanji, sané kaambil saking aksara Cina, lan silabik kana. Kana punika kawangun antuk apasang silabar: hiragana, sané kaanggén utamanyané antuk kruna-kruna Jepang asli utawi naturalisasi lan unsur-unsur tata basa; lan katakana, kaanggen utamanyane antuk kruna lan wasta asing, kruna silihan, onomatopoeia, wastan ilmiah, lan kapah kaanggen penekanan. Akéh lengkara basa Jepang sané kasurat madaging campuhan kanji lan kana. Santukan campuhan aksara puniki, tiosan ring inventaris aksara kanji sané ageng, sistem sesuratan Jepang kabaos silih sinunggil sané pinih ruwet sané kaanggén mangkin.[1][2][3]
Makudang-kudang panyiuan aksara kanji sané kaanggén sesai, sané akéhan mawit saking aksara tradisional Cina. Sané tiosan sané kakaryanin ring Jepang kabaos "kanji Jepang".(和製漢字),taler kabaos "kanji negara [iraga]" (国字). Soang-soang aksara madué artos intrinsik (utawi makudang-kudang artos), miwah akéhan madué langkungan saking asiki pabaosan, sané kapilih manut ring paindikanné. Sisia sekolah dasar miwah menengah basa Jepang sané kabuatang malajahin 2.136 jōyō kanji per 2010.[4] Akehnyané kanji sampun lintangan saking 50.000, yadiastun puniki ngranjing puluhan siyu aksara wantah wénten ring sasuratan babad lan nénten naenin kaanggén ring basa Jepang modern.
Ring basa Jepang modérn, suku kruna hiragana miwah katakana soang-soang madaging 46 aksara dasar, utawi 71 rumasuk diakritik. Antuk asiki utawi kalih pengecualian sane alit, soang-soang suara sane mabinayan ring basa Jepang (inggih punika, soang-soang suku kruna san4 mabinayan, soang-soang mora ketat) manut sareng siki aksara ring soang-soang suku kruna. Nénten sakadi kanji, aksara puniki intrinsiknyané ngawakilin suara kemanten; ipun ngranjingang teges wantah pinaka pahan saking kruna. Aksara Hiragana miwah katakana taler witnyané mawit saking aksara Cina, nanging sampun kadadosang saderana miwah kauwah ngantos witnyané nénten malih kacingak antuk visual.
Teks sané nénten madaging kanji arang pisan; akéhan inggih punika buku alit-alit-santukan alit-alite cenderung uning akidik kanji ring yusa sané dumunan-utawi éléktronik awal sakadi komputer, télépon, lan vidéo pelaliyanan, sané nénten prasida nyinahang grafem sané kompleks sakadi kanji santukan kawatesan grafis lan komputasi.
Sané pinih kidik, basa Jepang sané kasurat modérn taler nganggen inisialisme saking aksara Latin, umpaminyané ring paistilah sakadi "SM/AD", "a.m./p.m.", "FBI", lan "CD". Basa Jepang Latin pinih sering kaanggen olih sisia asing basa Jepang sané durung nguasayang kana, lan olih panutur asli antuk input komputer.
- ↑ Serge P. Shohov (2004). Advances in Psychology Research. Nova Publishers. p. 28. ISBN 978-1-59033-958-9.
- ↑ Kazuko Nakajima (2002). Learning Japanese in the Network Society. University of Calgary Press. p. xii. ISBN 978-1-55238-070-3.
- ↑ Seeley 1991, p. ix.
- ↑ "Japanese Kanji List". www.saiga-jp.com. Kaarsipin saking versi asli ring 2016-03-04. Kaaksés 2016-02-23.CS1 maint: unfit url (link)