Serikat Pos Jagat
 | |
| Ancengan | UPU |
|---|---|
| Kaadegang | 9 Oktober 1874 |
| Soroh | badan khusus PBB |
| Status hukum | Active |
| Kantor pusat | Bern, Swiss |
Manggala | Direktur-Jénderal Masahiko Metoki[1] |
| Organisasi induk | Déwan Ékonomi miwah Sosial Paserikatan Bangsa-Bangsa |
| Situs web | upu |
| Pasubayan kakawitin sasih Oktober 1874 | |
Serikat Pos Jagat (Inggris: Universal Postal Union; UPU, Union postale universelle) inggih punika badan khusus saking Paserikatan Bangsa-Bangsa (PBB) sané ngamargiang koordinasi kawijakan pos pantaraning negara anggota lan ngawéntenang fasilitas sané seragam ring sajebag jagat sistem pos. Puniki madué 192 negara anggota lan kantor pusatnyané magenah ring Bern, Swiss.[2]
Kaadegang duk warsa 1874 pinaka Serikat Pos Umum, UPU pinaka silih tunggil badan khusus pinih purwa sané kantun wénten organisasi antar pameréntah. Puniki mautsaha mangda prasida ngamargiang standarisasi pangiriman sewala internasional antuk ngawentenang tarif pos sané pateh miwah pamargianné sané pateh pantaraning surat doméstik miwah asing. Organisasi puniki ngambil wastannyané sané mangkin duk warsa 1878. Organisasi puniki mamargi indepénden sadurung karanjingang ring PBB duk warsa 1948.[3]
UPU madaging petang badan inggih punika Kongrés, Déwan Administrasi (CA), Déwan Operasi Pos (POC) miwah Biro Internasional (IB). Puniki taler ngawasin kooperasi Télématika miwah Layanan Surat Gelis (EMS), sané ngicénin pangiriman séwala gelis internasional. Manut ring misi UPU, soang-soang negara anggota cumpu ring syarat sane pateh anggén ngamargiang sesana pos internasional.
- ↑ "Director General". UPU. Kaarsipin saking versi asli tanggal 26 May 2023. Kaaksés 14 January 2022.
- ↑ "The UPU". Universal Postal Union website. Kaaksés 31 December 2020.
- ↑ "Universal Postal Union". UN Chief Executives Board Secretariat. 24 October 2020. Kaarsipin saking versi asli tanggal 2 November 2020. Kaaksés 2 November 2020.