Sampi segara Steller
Sampi segara Steller (Hydrodamalis gigas) utawi sampi laut Steller inggih punika sampi sirenia sane sampun punah sane katlatarang olih Georg Wilhelm Steller duk warsa 1741. Duk punika, sampi punika wantah kapanggihin ring sawewengkon Kepulauan Komandan ring Segara Bering pantaraning Alaska lan Rusia; jangkauannyané nglimbak ring Pasifik Utara selami masa Pleistosen, miwah minabang kantos tingkat sané pinih ekstrim santukan siklus glasial. Minab populasi mued mapaiketan sareng buron sadurung krama Eropa. Steller kapertama matemu ring Ekspedisi Kaja Agung Vitus Bering ri tatkala kru kapal punika karam ring Pulau Bering. Akeh sane kauningin indik parilaksananyane mawit saking panyelehan Steller ring pulo punika, sane kadokumentasiang ring publikasi sesampun pademnyane On the Beasts of the Sea. Selami 27 warsa kapanggihin olih krama Eropa, mamalia sané mamargi alon miwah dangan katangkep puniki kaburu kantos punah santukan daging, lemak, miwah kulitnyané.