Séda ring rana
Séda ring rana (Indonésia: Gugur dalam Tugas; Inggris: Killed in Action, kaancengang KIA) inggih punika pangklasifikasian korban sané ketahné kaanggén olih militér antuk nganikayang sédané prajurit ipun ngeraga ring tangan bala yuda musuh ri tatkala mayuda.[1]
Departemén Patahanan Amérika Serikat, umpaminé, maosang indik sang sané kacatet KIA nénten perlu sampun ngebedilang sanjatané, nanging wantah sampun padem sangkaning serangan musuh. KIA rumasuk sané padem sangkaning bedilan timpal rikala mayuda, nanging nénten saking paindikan salah pati kendaraan sané nénten kasengaja, pamademan, utawi paindikan sané nénten mamusuh utawi térorisme.[2] KIA prasida kaaplikasiyang majeng bala yuda tempur garis ajeng lan bala yuda angkatan segara, udara, lan wantuan.
Salanturné, paistilah séda matatu (Inggris: Died of Wounds; DOW) kaanggén nyihnayang prajurit sané sampun rauh ring fasilitas perawatan médis sadurung padem.[3] Kategori séda matatu ring rana (Inggris: died of wounds received in action; DWRIA) taler kaanggén antuk korban sané mapaiketan sareng patempuran sané metu sesampun évakuasi médis.[4]
PKIA (Inggris: presumed killed in action) maartos kaanggep séda ring rana. Paistilah puniki kaanggén ritatkala prajurit sané kaon ring payudan, pangawitné ngerajing lis ical ring rana (Inggris: missing in action; MIA), nanging risampuné nénten kapanggihin, salanturné kaanggep nénten prasida maurip.[5] Puniki khas saking yuda angkatan segara utawi paiketan ring palemahan mamusuh sané lianan ring dija ngawaliang layon meweh. Akéh prajurit sané padem ring aksi nénten kauningin ring Yuda Jagat I, sakadi John Kipling, okan penyair Inggris Rudyard Kipling, sané ngawinang kawangun Komisi Sétra Yuda Persemakmuran.[6] Ring Indonésia sané pinih kaloktah icalné pejuang ring masa kamerdékaan Soeprijadi.[7]
- ↑ "U.S. Department of Defense Dictionary: killed in action". Kaarsipin saking versi asli tanggal 2012-09-27. Kaaksés 2007-02-04. Unknown parameter
|dead-url=ignored (help) - ↑ "Army Casualty and Mortuary Affairs Frequently Asked Questions". Kaaksés 2024-11-06.
- ↑ "Understanding Combat Casualty Care Statistics" (PDF). Defense Technical Information Center. Kaarsipin saking versi asli (PDF) tanggal 2020-10-20.
- ↑ "DoD Instruction Number 1300.18" (PDF). DPAA. Kaarsipin (PDF) saking versi asli tanggal 2019-01-26.
- ↑ "USS Milius — Named in honor of Navy pilot Captain Paul L. Milius". public.navy.mil. US Navy. Kaarsipin saking versi asli tanggal 12 January 2018. Kaaksés 10 January 2018.
- ↑ Brown, Jonathan (28 August 2006). "The Great War and its aftermath: The son who haunted Kipling". The Independent. Kaarsipin saking versi asli tanggal 3 May 2018. Kaaksés 3 May 2018.
- ↑ Annisa, Ramadhannia (19 Agustus 2024). "Supriyadi, Misteri Pahlawan Indonesia yang Hilang". RRI.co.id. Kaaksés 31 Juli 2025.