Roscosmos
Pautshaan Negara antuk Kegiatan Antariksa "Roscosmos",[note 1] ketah wantah Roscosmos (Роскосмос), inggih punika pautsahaan Negara saking Féderasi Rusia sané madue sesana ring panerbangan dura angkasa, program panilikan kosmonautika, lan kedirgantaraan.[1]
Mawit saking program antariksa Soviét sané kawangun duk warsa 1950-an, Roscosmos medal sesampun pabiuran Uni Soviét duk warsa 1991. Pamahbahnyané kakawitin dados Badan Antariksa Rusia,[note 2] sané kaadegang duk tanggal 25 Pébruari 1992[2] lan karestrukturisasi duk warsa 1999 lan 2004 dados Badan Panerbangan miwah Antariksa Rusia[note 3] miwah Badan Antariksa Féderal (Roscosmos),[note 4] respectively.[2] Ring 2015, Badan Antariksa Féderal (Roscosmos) kadadosang siki sareng Pautsahaan Masikian Rokét miwah Antariksa, pautsahaan pameréntah, mangda prasida nasionalisasi malih industri dura angkasa Rusia, sané ngawinang Roscosmos ring wangunnyané sané mangkin.[3][4][5]
Kantor utama Roscosmos magenah ring Moskow, antuk Pusat Kontrol Misi utamanyané sane nampek ring kota Korolyov, miwah Pusat Pelatihan Kosmonaut Yuri Gagarin sane magenah ring Kota Bintang ring Oblast Moskow. Fasilitas peluncurannyané minakadi Kosmodrom Baikonur ring Kazakhstan, labuhan ruang angkasa kapertama lan pinih ageng ring jagaté, lan Kosmodrom Vostochny, sane kantun kawangun ring Kangin Doh Rusia ring Oblast Amur. diréktur ngawit saking Pébruari 2025 inggih punika Dmitry Bakanov.[6]
Pinaka pangelantur utama program antariksa Soviét, tetamian Roscosmos ngranjing satelit kapertama ring jagaté, penerbangan dura angkasa manusa kapertama, lan stasiun dura angkasa kapertama (Salyut). Pamarginnyane sané mangkin rumasuk Stasiun Antariksa Internasional, ring dija ipun dados sawitra utama. Ring tanggal 22 Pébruari 2019, Roscosmos nguningayang indik pawangunan kantor pusat anyarnyané ring Moskow, Pusat Antariksa Nasional. Korps Astronot ipun inggih punika sané kapertama ring lelintihan jagaté.
- ↑ Государственная корпорация по космической деятельности «Роскосмос»)
- ↑ Российское космическое агентство, Rossiyskoye kosmicheskoye agentstvo, utawi RKA (РКА).
- ↑ Российское авиационно-космическое агентство, Rossiyskoye aviatsionno-kosmicheskoye agentstvo, ketah dados Rosaviakosmos (Росавиакосмос), kaadegang duk 25 Méi 1999.
- ↑ Федеральное космическое агентство (Роскосмос), Federalnoye kosmicheskoye agentstvo (Roskosmos).
- ↑ Federation, International Astronautical. "IAF : ROSCOSMOS". www.iafastro.org (ring Inggris). Kaarsipin saking versi asli tanggal 9 February 2022. Kaaksés 2022-02-09.
- ↑ 2,0 2,1 "25 февраля 1992 года образовано Российское космическое агентство, в настоящее время – Федеральное космическое агентство (Роскосмос)". Kaarsipin saking versi asli tanggal 20 October 2020. Kaaksés 10 August 2020.
- ↑ "Путин подписал указ об упразднении Федерального космического агентства". РИА Новости. 28 December 2015. Kaarsipin saking versi asli tanggal 23 February 2020. Kaaksés 10 August 2020.
- ↑ Avaneesh Pandey (28 December 2015). "Russia's Federal Space Agency Dissolved, Responsibilities To Be Transferred To State Corporation". International Business Times. Kaarsipin saking versi asli tanggal 8 September 2016. Kaaksés 28 December 2015. Check date values in:
|archive-date=(help) - ↑ "Vladimir Putin abolishes Russian space agency Roscosmos". The Financial Express. 28 December 2015. Kaarsipin saking versi asli tanggal 1 January 2016.
- ↑ "Dmitry Bakanov replaces Yury Borisov as Roscosmos CEO - Kremlin". Interfax. 6 February 2025.