Region Plzeň

Plzeň utawi Plzeňský (taler kasengguh Pilsen; Plzeňský kraj) inggih punika satunggil unit administratip (kraj) saking Républik Céko, magenah ring pahan kauh saking wawengkon malelintihan Bohemia miwah kaparinamain manut ibu kotanyané, Plzeň. Ring indik jimbar wawidangan, Region Plzeň inggih punika 7,561 km², Region pinih ageng katiga ring Républik Céko. Sakémanten, sareng populasi sawatara 585.000 diru, wawidangan niki pinaka region pinih padet kasia. Sesampun Region Bohemia Kelod, niki inggih punika region sareng panjakné pinih akidik kaping kalih. Region niki sacara garis ageng prasida kakepah manados kalih pahan: Region kalér kangin sané sanget kaindustrialisasi sareng tradisi téknik sané kuat ring nampekan Pilsen (Plzeň) miwah region kelod kauh sané langkung mabukit miwah padésaan sareng pautsahaan manufaktur maskala alitan sané ngelola wit wasa alam.

Region niki mawatesan sareng Region Karlovy Vary (balér dauhné), Region Ústí nad Labem (balérné), Region Bohemia Tengah (balér danginné), Region Bohemia Kelod (danginné) miwah sareng Bayern (pahan saking Jerman) ring wawidangan kelod kauh miwah kauh. Region niki kaadegang mawit Undang-Undang No. 347/97 Koleksi indik pangadegan unit administratip téritorial sané langkung tegeh. Region miwah kawenangannyané katetapang sareng Undang-Undang No. 129/2000 Koleksi sané paiketan sareng wawidangan, sané ngawit kamargiang duk rahina pamilihan manggala region, utawi daweg tanggal 1 Januari 2001.