Region Pardubice
Pardubice (Pardubický kraj) inggih punika unit administratip (kraj) saking Républik Céko, magenah kautama ring pahan kangin wawengkon lelintihané Bohemia, sareng pahan alit ring balér dauh Moravia. Parinamané kaambil saking ibu kotanyané Pardubice. Dados satunggil unit administratip, Region Pardubice sampun kaadegang ping tiga selantang lelitihan. Kaadegang kapertama daweg warsa 1850, miwah kajimbarang saking Český Brod ngantos pawatesan Bohemia-Moravia. Ring kawéntenan sané kaping kalih, ipun pinaka asiki saking 19 wawengkon sané katetapang riantara warsa 1949 miwah 1960. Sesampun warsa 1960, Pardubice manados ibu kota distrik Pardubice, sané pinaka pahan saking wawengkon Bohemia Kangin (ibu kota Hradec Králové). Region Pardubice, dados kawéntanan sekadi mangkin, kaadegang mawali duk warsa 2000.
