Region Bohemia Kelod

Wawidangan Bohemia Selatan Jihočeský kraj
Daerah
Kastel Jindřichův Hradec
Kobér Panji
Negara	Céko
Ibu kota	České Budějovice
Distrik	Daftar distrik České Budějovice Český Krumlov Jindřichův Hradec Písek Prachatice Strakonice Tábor
Pamréntahan
• Gubernur	Martin Kuba (ODS)
Jimbar
• Total	10.056,79 km2 (388,295 sq mi)
Titik pinih tegeh	1.378 m (4,521 ft)
Populasi  (2024-01-01)
• Total	654.505
• Kepadatan	0,65/km2 (1,7/sq mi)
GDP
• Total	CZK 291.708 miliar (€11.377 miliar)
ISO 3166 code	CZ-31
Plat kendaraan	C
Situs web	www.kraj-jihocesky.cz

Wawidangan Bohemia Kelod (Jihočeský kraj) inggih punika unit administratip (kraj) saking Républik Céko, magenah makéhan pahan kelod wawengkon lelitihan Bohemia, sareng pahan alit ring kelod kauh Moravia. Pahan kauh wawidangan Bohemia Kelod inggih punika lad Prácheňsko, wawengkon purwa sané ageng sareng cecirén khas sareng ibu kotanyané, Písek. Daweg warsa 2011, wénten 624 munipilitas ring region niki, 54 ri antaranyané mastatus kota.

Wawidangan niki mawatssan (saking kauh saarah jaum jam) sareng Wawidangan Plzeň, Bohemian Tengah, Vysočina miwah Moravia Kelod. Ring sisi kelod, mawatesan sareng Austria (Austria Tebén miwah Austria Dulu) saha Jerman (Bayern). Ngantos tanggal 30 Méi 2001, Wawidangan niki kaparinamain dados Budějovický kraj utawi Českobudějovický kraj, manut ibu kotanyané, České Budějovice.

Santukan genah géograpis miwah palemahanné, Wawidangan niki ngeranjing ring sajeroning paumahan kapertama sané ngenah ring aab purwa. Selami makudang abad pungkuran, Wawidangan Bohemia Kelod kaloktah sareng budidaya ulam ring telaga miwah kaalasan. Wawidangan niki sampun kaindustrialisasi saking pamahbah abad kalih dasa. Mangkin, wawidangan niki manados tatujon wisata santukan kasugihan palemahan miwah lelitihan, miwah industri sané tumbuh pinih gelis inggih punika industri palancaran.