Putri duyung
Ring carita rakyat, putri duyung inggih punika makhluk ring toya sane madue sirah lan awak baduur manusa istri lan ikuh ulam.Putri duyung punika medal ring carita rakyat akeh budaya ring sajebag jagat, rumasuk Eropa, Amerika Latin, Asia, lan Afrika.
Putri duyung kadang-kadang mapaiketan sareng peristiwa sane mabaya sakadi angin ribut, kapal karam, lan anyud (bandingang § Pertanda). Ring tradisi rakyat sane lianan (utawi kadang-kadang ring tradisi sane pateh), ipun prasida becik utawi mapikenoh, ngicenin wara nugraha utawi jatuh cinta sareng manusa.
Setara lanang sareng putri duyung inggih punika merman, taler tokoh sane sampun ketah ring carita rakyat lan heraldik. Yadiastun tradisi indik miwah nglaporang indik mermen kirang katah yéning saihang sareng putri duyung, ipun ring carita rakyat katahnyané katarka sareng-sareng sareng sawitrannyané sané istri. Sane lanang lan sane istri secara kolektif kadang-kadang kasengguh merfolk utawi merpeople.
Konsep Barat indik putri duyung pinaka panyanyi sane jegeg lan menggoda minab kaiusin olih sirene mitologi Yunani, sane awalne atenga sakadi kedis, nanging rauh kagambar dados atenga sakadi ulam ring era Kristen. Cakepan sejarah indik putri duyung, sekadi sané kalaporang olih Christopher Columbus selami dané malancaran ring Karibia, minab sampun kapanggihin manatee utawi mamalia ring toya sané pateh. Yadiastun nenten wenten bukti indik putri duyung wenten ring jaba carita rakyat, laporan indik penampakan putri duyung punika terus ngantos mangkin.