Putri Tangguk
| Aran | Putri Tangguk |
|---|---|
| Negara | Indonésia |
| Wewidangan | Jambi |
Putri Tangguk inggih punika satua rakyat saking wawidangan Jambi. Putri Tangguk dados parab ibu saking pianak pitung diri sané wenten ring satua punika.[1][2][3][4][5] Satua puniki nyaritayang indik Putri Tangguk sareng kulawargannyané.[1]
Duk nguni wenten gumi mawasta Negeri Bunga, magenah ring kecamatan Danau Kerinci. Irika wenten anak luh mawasta Putri Tangguk, kurenan ipun, sareng pianak-pianak ipun makapitu. Putri Tangguk sareng kurenannyané makarya dados petani. Sabilang wai, Putri Tangguk ajak kurenanné magaé nénggala di carik anggona ngidupin kaperluan kulawargané. Ia magaé kanti engsap ngurusang pianakné tur maubungan ngajak kulawargané. Putri Tangguk sadar yéning ia masih patutné ngurusang pianak lan kulawargané. Putri Tangguk ngorahin kurenanné apang ia ajaka dadua magaé kanti bek lumbung padiné apang tusing perlu magaé asal bekelné cukup. Ia ngorahang buka keto tekén kurenanné, tur kurenanné satinut. Ipun ngawitin makarya mangda prasida ngebekin lumbung padinyané.
Sedek dina anu, Putri Tangguk sedek majalan ka cariké ngajak kurenané lan pianakné makapitu. Marginé licin krana ujan bales. Putri Tangguk nglebur. Ia gedeg tur némah jalané ento. Disubané mulih uli carike, Putri Tangguk nyambehang padi di jalané apang tusing licin. Sasubané dinané ento, bek misi padi lumbunge, tur Putri Tangguk ajaka kurenané tusing perlu buin magaé sawireh suba cukup padiné. Ia magaé nénun kain anggon ngisiang galah luang sambilanga ngurusang pianak lan kulawargané. Nanging, rahina-rahina sakadi puniki nénten suwe. Sedek dina anu, pianak Putri Tangguké makapitu sedek ngeling-ngeling krana seduk.
Putri Tangguk lantas majalan ka lumbung padiné. Ia makesiab tur panik dugas ia népukin padiné tusing ada buin di lumbungé. Ia tusing percaya sawireh lumbung padiné patutné suba makelo cukup. Di pejalanné mulih uli lumbung, ia ngliwatin jalan tongosné ngutang padi apang tusing licin. Ia inget, tusing patut ia nglaksanayang keto. Rikala wengi, Sang Putri Tangguk nyumpena matemu sareng anak lingsir. Anaké ento ngorahang, Putri Tangguk ajak kulawargané lakar idup sengsara sawireh ia ngentungang padiné ento di margané. Putri Tangguk matangi saking ipian idané raris nangis. Ia nyeselin laksanané ento.[1]
Carita Putri Tanggung ngaturang peplajahan majeng ring kauripan i manusa. Pinaka manusa, iraga patut matur suksma antuk napi sané sampun iraga madue. Antuk ngaturang suksma antuk napi sané sampun wenten, iraga pacang setata ngrasayang cukup. Suksma punika pinaka pahan saking rasa andap asor. Putri Tanggung nénten matur suksma tur nénten mapi-mapi, mawinan ipun nénten prasida ngajinin napi sané wenten ring ragannyané. Ia sadar teken pentingné rasa suksma kaliwat lambat dugas napi sané ia gelahang suba ilang.[1]
- ↑ 1,0 1,1 1,2 1,3 Sheina Ananda. 2013. Rangkuman 100 cerita rakyat Indonésia dari Sabang sampai Merauke. Jakarta:Anakkita. Hlm 29.
- ↑ Monika Cri Maharani. 2011. Cerita Rakyat asli Indonésia: dari 33 Provinsi.Jakarta: Agromedia Pustaka.Hlm 25.
- ↑ Marina Asril Reza. 2010. 108 Cerita Rakyat terbaik Asli Nusantara.Jakarta:Visimedia. Hlm 59.
- ↑ Kaslani. 1997. Cerita Rakyat dari Jambi: Volumé 2. Jakarta:Grasindo.
- ↑ Tim Media Vista. 2009. Mengenal Adat, Budaya, dan Kekayaan Alam Indonésia. Jakarta:Cikal Aksara. Hlm 6.