Propinsi Xiangkhouang
Propinsi Xiangkhouang (Lao: ຊຽງຂວາງ, maartos 'Kota Ngandang') inggih punika silih sinunggil propinsi Laos ring Dataran Tegeh Xiangkhoang, ring kalér kangin negara ipun. Propinsi niki madué kaistimewaan dados genah sané pinih akéh kabom ring Gumi.[1]
Indik lelintihan, propinsi niki dumuné pinaka krajaan independen saking Muang Phuan. Ibu kotanyané inggih punika Phonsavan. Populasi propinsi ipun duk sénsus warsa 2015 inggih punika 244.684 diri.[2]
Propinsi Xiangkhouang ngelikubin wawidangan majimbar 15,880 kilométer persegi (6,130 sq mi) miwah magunung-gunung. Siosan dataran gentuh, wawengkon daratan datar pinih jimbar ring negara niki magenah ring Dataran Tegeh Xiangkhoang ring propinsi ipun. Dataran tegeh niki kacihnain sareng pabukitan magelombang miwah padang tegal sané kategehan rerata nyané 1,300 méter (4,300 ft). Puncak pinih tegeh panegara ipun, Phou Bia (2,820 méter (9,250 ft)), magenah ring sisi kelod dataran tegeh. Nam Et-Phou Louey inggih punika Wawengkon Konservasi Kaakéhan Soroh Kauripan Nasional (NBCA) ring propinsi ipun, ngelikubin jimbar 5,959 km2, miwah tumpang tindih sareng propinsi Houaphanh miwah Luang Prabang.
Dataran Guci ring propinsi niki katetapang dados Situs Tetamian Jagat UNESCO duk warsa 2019.[3]
- ↑ Gilhooly, Rob (5 July 2000). "The Plain of Jars: A place of war and death". The Japan Times. Kaaksés 16 May 2020.
- ↑ "Propinces of Laos". Statoids. Kaaksés 1 November 2012.
- ↑ "Megalithic Jar Sites in Xiengkhuang – Plain of Jars". UNESCO. Kaaksés 24 April 2021.
