Plankton

Plankton inggih punika pupulan akéh soroh organisme sané anyut ring toya (utawi udara) sakémanten ten prasida sacara aktip ngingsirang awakné ipun ngeraga ngelawan arus (utawi angin).^[1]^[2] Organisme individu sané ngadegang plankton kasengguh plankter.^[3] Ring segara, ipun nyadiayang wit amahan mabuat antuk akéh kauripan akuatik alit lan ageng, minakadi bivalvia, ulam, miwah paus balin.

Plankton ring segara minakadi baktéri, arkéa, ganggang, protozoa, oong mikroskopis.,^[4] lan buron sane melayang utawi ngambang sané meneng ring toya pakeh segara lan toya campuhan loloan. Plankton toya ening mirib sareng plankton segara, nanging kapanggihin ring danu lan tukad. Akéhan, plankton wantah melayang ring genah arus sané ngambil ipun, yadiastun wénten, sekadi ubur-ubur, nglangi alon sakéwanten nénten gelis mangda prasida ngaonang panglalah saking arus.

Yadiastun plankton katah kasengguh pinaka genah sané meneng ring toya, wénten taler vérsi udara sané maurip pahan saking kahuripannyané melayang ring atmosfer. aeroplankton puniki minakadi spora entik-entikan, serbuk sari miwah biji sané kasebar olih angin. Ipun taler minab ngranjing mikroorganisme sané kasapu nuju udara saking badai buk téréstrial miwah plankton samudra sané kasapu ka udara olih semprotan segara.

Yadiastun akéh spesies plankton mikroskopis ring ukurannyané, plankton ngranjing organisme ring makudang-kudang ukuran, taler organisme ageng sekadi ubur-ubur.^[5] Puniki santukan plankton katentuang olih ceruk ékologis miwah undagan motilitas bandingang ring klasifikasi filogénetik utawi taksonomi. Kategori "plankton" minayang organisme puniki saking sané ngambang ring baduur toyané, sané kawastanin neuston, sané prasida nglangi nglawan arus, sané kawastanin nekton, miwah sané maurip ring dasar segara dalem, sané kawastanin benthos.

Pustaka

↑ Lalli, C.; Parsons, T. (1993). Biological Oceanography: An Introduction. Butterworth-Heinemann. ISBN 0-7506-3384-0.
↑ Smith, David J. (July 2013). "Aeroplankton and the Need for a Global Monitoring Network". BioScience. 63 (7): 515–516. doi:10.1525/bio.2013.63.7.3. S2CID 86371218.
↑ "plankter". American Heritage Dictionary. Houghton Mifflin Harcourt Publishing Company. Kaarsipin saking versi asli tanggal 9 November 2018. Kaaksés 9 November 2018.
↑ Lawton, Graham (10 February 2024). "Fungi ahoy!". New Scientist. 261 (3477): 37–39. Bibcode:2024NewSc.261b..37L. doi:10.1016/S0262-4079(24)00274-4.
↑ Dolan, John (November 2012). "Microzooplankton: the microscopic (micro) animals (zoo) of the plankton" (PDF). Institut océanographique. Kaarsipin saking versi asli (PDF) tanggal 4 March 2016. Kaaksés 16 January 2014.

[1] Lalli, C.; Parsons, T. (1993). Biological Oceanography: An Introduction. Butterworth-Heinemann. ISBN 0-7506-3384-0.

[2] Smith, David J. (July 2013). "Aeroplankton and the Need for a Global Monitoring Network". BioScience. 63 (7): 515–516. doi:10.1525/bio.2013.63.7.3. S2CID 86371218.

[3] "plankter". American Heritage Dictionary. Houghton Mifflin Harcourt Publishing Company. Kaarsipin saking versi asli tanggal 9 November 2018. Kaaksés 9 November 2018.

[Lawton-2024-02-10-4] Lawton, Graham (10 February 2024). "Fungi ahoy!". New Scientist. 261 (3477): 37–39. Bibcode:2024NewSc.261b..37L. doi:10.1016/S0262-4079(24)00274-4.

[5] Dolan, John (November 2012). "Microzooplankton: the microscopic (micro) animals (zoo) of the plankton" (PDF). Institut océanographique. Kaarsipin saking versi asli (PDF) tanggal 4 March 2016. Kaaksés 16 January 2014.

[1]

[2]

[3]

[4]

[5]