Piala Gumi FIFA

Saking Wikipédia
Cebur nuju navigasi Cebur nuju parerehan
Piala Gumi FIFA
Kaadegang1930; sampun 92 warsa (1930)
WewidanganInternasional (FIFA)
Akéh tim32 (final)
Jayanti bertahan Prancis (jayati ka-2)
Tim pinih sukses Brasil (5 jayanti)
Televisi penyiarDaftar panyiar
Situs webOfficial website
Kualifikasi Piala Gumi FIFA 2022

Piala Gumi FIFA, ketah kasengguh Piala Gumi, inggih punika wimbakara sépakbola internasional sané kasarengin tim nasional putra sénior saking anggota Fédération Internationale de Football Association (FIFA), badan pangatur olahraga sépakbola sajebag gumi. Wimbakara puniki kamargiang nyabran petang warsa, kakawitin saking wimbakara pardana ring warsa 1930, siosan ring warsa 1942 miwah 1946 nénten kamargiang krana wénten Yuda Gumi Kalih. Jayanti pinih ungkur punika Prancis, sané dados jayanti kaping kalih nyané ring wimbakara 2018 ring Rusia.

Format sané mangkin wénten babak kualifikasi, sané kamargiang lami inpun tigang warsa sadurungné, antuk manentuang tim sira sané lolos nuju babak wimbakara. Ring babak wimbakara, 32 tim (rumasuk negara tuan umah sané otomatis lolos) masaing ngaperebutang gelar ring genah-genah ring negara tuan umah sawatara asasih.

Piala Gumi punika wimbakara sépakbola pinih kaloktah ring guminé, taler acara olahraga tunggal sané pinih akéh kacingak miwah kasarengin ring gumi. Panayangan kumulatif saking makasami laga Piala Gumi 2006 kanikayang sawatara 26.29 miliar antuk sawatara 715.1 yuta jadma dados pamiarsa laga final, sapersia saking samian populasi planét Gumi.[1][2][3][4]

Pitulas negara sampun dados tuan umah Piala Gumi. Brasil, Prancis, Italia, Jerman, miwah Méksiko soang-soang sampun dados tuan umah ping kalih, wénten Uruguay, Swiss, Swédia, Chili, Inggris, Argéntina, Spanyol, Amérika Serikat, Jepang, miwah Koréa Kelod (sareng-sareng), Afrika Kelod, miwah Rusia soang-soang sampun dados tuan umah ping asiki. Qatar pacang dados tuan umah wimbakara 2022, miwah warsa 2026 pacang kaselenggara sarengan olih Kanada, Amérika Serikat, miwah Méksiko, sané pacang manadosang Méksiko dados negara kapertama sané dados tuan umah laga ring tiga Piala Gumi.

Pustaka[uah | uah wit]

  1. "2006 FIFA World Cup broadcast wider, longer and farther than ever before". FIFA.com. Fédération Internationale de Football Association. 6 February 2007. Kaarsipin saking versi asli tanggal 20 January 2012. Kaakses 11 October 2009.
  2. Tom Dunmore, Historical Dictionary of Soccer, page 235, quote "Piala Gumi mangkin dados acara olahraga sané pinih akéh kapebalih ring gumi saking télévisi, asapunika sampun ring duur Olimpiade."
  3. Stephen Dobson and John Goddard, The Economics of Football, page 407, quote "Piala Gumi inggih punika acara olahraga pinih akéh kapebalih ring gumi: kacawang kumulatif pamiarsa télévisi antuk Piala Gumi 2006 ring Jerman punika 26.2 miliar, rerata 409 yuta pamiarsa per laga."
  4. Glenn M. Wong, The Comprehensive Guide to Careers in Sports, page 144, quote "Piala Gumi inggih punika acara olahraga pinih akéh kapebalih ring gumi. Ring warsa 2006, langkung saking 30 miliar pamirsa ring 214 negara mabalih Piala Gumi ring télévisi, miwah langkung saking 3.3 yuta pamiarsa ngarauhin 64 laga wimbakara."

Cingak taler[uah | uah wit]

Anggitan[uah | uah wit]

Pranala jaba[uah | uah wit]