Piala Champions Éropa 1991–92
.jpg) Stadion Wémbley ring London panyelenggara final. | |
| Pidarta wimbakara | |
|---|---|
| Pinanggal | 17 Séptémber 1991 – 20 Méi 1992 |
| Téam | 32 |
| Final | |
| Jayanti |  Barcelona (gelar ka-1) |
| Runners-up |  Sampdoria |
| Statistik turnamén | |
| Laga kamainang | 73 |
| Gol karipta | 192 (2,63 per laga) |
| Pamiarsa | 1.725.387 (23.635 per laga) |
| Top skor | Sergei Yuran (Benfica) Jean-Pierre Papin (Marseille) pada 7 gol |
Piala Éropa 1991–92 inggih punika édisi ka-37 saking wimbakara klub sépakbola Piala Éropa. Punika Piala Éropa pertama sané madué babak panyisihan grup, ring dija klub pamenang ngalantur nuju final. Édisi 1991–92 inggih punika édisi untat wimbakara punika sadurung magentos aran manados Liga Champions UEFA.
Tahap kelompok nyarengin kutus klub sané menang saking tahap kalih. Klub-klub punika kakepah dados kalih grup petang diri, saling malaga ring kandang lan ring tandang, saha klub sané menang saking soang-soang grup matemu ring Final Piala Éropa 1992.
Pacentokan puniki kamenangan kapertama olih Barcelona sesampun galah wewehan ring final nglawan Sampdoria, jayanti kapertama ring wimbakara olih tim saking Spanyol ngawit 1966. Puniki pacang dados cihna sané kapertama saking akehnyane limang Piala Éropa piala majeng ring Barcelona.[1] Gol kamenangan karipta olih Ronald Koeman sareng sépakan bébas.
Jayanti ungkur, FK, nénten polih galah malaga ring lapangannyané ngaraga santukan Yuda Yugoslavia, antuk punika ngirangin galahnyané antuk ngajaga gelarnyané. Red Star sampun kaon ring babak grup. Punika taler musim pamuput ring dija klub-klub saking negara punika prasida nyarengin wimbakara sépakbola Eropa utama ngawit masan panes warsa 1991 Slovenia lan Kroasia ngumumang kamahardikaanné.
Tiosan ring punika, puniki wantah pamuput tim Jerman Kangin masaing ring Piala Éropa, sané kawakilin olih Hansa Rostock.
Klub-klub Inggris mawali nuju Piala Eropa, risampuné ipun kalarang limang warsa saking wimbakara Éropa risampuné bencana Stadion Heysel ring 1985. Jayanti Liga Inggris 1990 Liverpool sampun nénten prasida nyarengin Piala Champions Éropa 1990-91 santukan sampun kalarang malaga ring nem warsa. Arsenal ngangganin Inggris ring warsa 1991-92, lan rauh ring tahap kalih.
- ↑ Lewis, Aimee (2017-05-19). "The match that changed football". CNN (ring Inggris). Kaaksés 2023-12-27.