Pendapatan bunga bersih

Pendapatan bunga bersih (Basa inggris: NII) punika pabinayan pantaraning pendapatan sane kapolihang olih aset sane madaging bunga lan biaya pelayanan (berbeban bunga) kewajiban. Majeng ring bank, aset punika ketahnyane ngranjing pinjaman komersial miwah pribadi, hipotek, pinjaman konstruksi miwah sekuritas investasi. Kewajiban punika utamanyane kawangun antuk deposito nasabah. NII inggih punika pabinayan pantaraning (a) pembayaran bunga sane katerima olih bank ring kredit sane durung kapuputang lan (b) pembayaran bunga sane kalaksanayang olih bank majeng ring nasabah ring depositonyane.

NII = (pembayaran bunga ring aset) − (pembayaran bunga ring kewajiban)

Manut ring aset lan kewajiban khusus bank (contonyane, suku bunga tetap utawi suku bunga apung ), NII minab kirang langkung sensitif majeng ring perubahan suku bunga. Yéning kewajiban bank mawali gelis saking asetnyané, punika kabaos "sensitif ring kewajiban." Selanturnyane, bank punika sensitif ring aset yening kewajibannyane ngajiang malih lambat saking asetnyane ring lingkungan suku bunga sane mauwah. Eksposur NII majeng ring perubahan suku bunga prasida kaukur antuk dollar maturity gap (DMG), inggih punika pabinayan pantaraning jumlah dollar aset sane kaajin malih lan jumlah dollar kewajiban sane kaajin malih ring periode galah sane sampun katentuang.

Cingak taler

• Penyebaran bunga bersih
• Margin bunga bersih
• Panghasilan sané keni resiko