Garuda Wisnu Kencana
| Garuda Wisnu Kencana | |
|---|---|
| Informasi | |
| Kaadegang | 1989 |
| Pengelola | Alam Sutera Group |
| Fasilitas | Segway Fun Ride, GWK Photo Studio |
| Alamat | Jl. Raya Uluwatu, Ungasan, Kuta Selatan Badung 80364, Bali-Indonésia |
| Telpon | +62 (361) 700 808 |
| Rerepél | info@gwkbali.com |
| Situs web | www |
Taman Budaya Garuda Wisnu Kencana utawi GWK inggih punika taman wisata budaya sané magenah ring sisi kelod Pulo Bali, inggih punika ring wawidangan désa Ungasan, Kecamatan Kuta Selatan, Kabupatén Badung. Dohnyané kirang-langkung 40 km saking kota Dénpasar. Ring tamané punika wénten togog Garuda Wisnu Kencana, sané tegehnyané sawatara 121 méter satmaka silih situnggil togog sané pinih ageng ring jagaté.[1] Genah puniki kaanggén genah malancaran antuk krama Indonésia miwah krama duranegara.
Wewidangan Taman Budaya Garuda Wisnu Kencana magenah ring 146 meter saking baduur muka tanah utawi 263 meter saking pasih. Garuda Wisnu Kencana Cultural Park puniki kadruenang olih group PT. Alam Sutera Realty Tbk.[2]
Patung karesmiang olih Presiden Joko Widodo nemoning petekan masehi 22 September 2018 inucap tegehnyane kantos 121 meter, sane pinaka angga pemahatannyane inggian punika Alam Sutera lan maka undagi inggih punika Bapak I Nyoman Nuarta. Para wisatawane sidan nyita ri kawentenan alam baline saking lantai 23 ring patung GWK sane maduwe 10 pintu jendela. Manggala Marketing lan Komunikasi GWK, bapak Oktaviano maosang “ring sisi duur patung GWK, cutetnyane ring sirah patung sane taler maka genah favorit inucap maduwe jarak kirang langkung 88 meter saking saduur tanah, dadosnyane para wisatawane sida nyita kaluihan pemandangan ring wawidangan nusa dua ngawit saking tol bali mandara kantos bandara I Gusti Ngurah Rai taler sida mamotrek antok kamera handphone”. Nenten wantah nyita kaluihan pemandan panorama Pulo Dewata saking puncak patung GWK kemanten, sakemaon para wisatawan GWK taler sida nyaksiang acara-acara miwah parikrama sane mapakilitan ring seni lan budaya sane sering kamargiang ring wawidangan “GWK Cultural Park”, minakadi, Festival Ogoh-Ogoh GWK ring sasih masehi Maret warsa 2022, utawi panglila cita Tari Kecak GWK sane kamargiang ring panguntat sasih masehi Desember warsa 2021.[3]
-
Area jaban tengah lotus pond -
Komplek shopping mall ring sisin jaban arca -
Gerbang Masuk GWK
- ↑ "Présidént Joko Widodo unveils Indonésia's tallest statue". straitstimes.com.
- ↑ Sarong, Frans (2003). "Mengukir Bukit Kapur Ungasan Menjadi Taman Budaya". Kompas Cyber Media. Kaaksés 27 Séptémber 2007.
- ↑ ""Sensasi melihat panorama Pulau Bali dari lantai 23 Patung GWK" – Bali Government Tourism Office" (ring Indonesia). Kaarsipin saking versi asli tanggal 2023-03-04. Kaaksés 2023-03-04.