Pasih Mawun
Pasih Mawun inggih punika silih tunggil pasih sané wénten ring pulo Lombok. Pasih Mawun magenah ring Désa Tumpak, Kecamatan Pujut, Kabupatén Lombok Tengah, Nusa Tenggara Barat. Pasih puniki magenah ring jalur pantaraning Kuta Mandalika miwah Pasih Selong Belanak inggih punika ring Jalan Raya Mawun. Pasih puniki madué cecirén inggih punika wentuknyané ngléngkong miwah kaapit kalih bukit ageng mawarna gadang.[1]
Pasih Mawun madué alam sané ngulangunin pisan. Pasih puniki magenah ring pantaraning kalih bukit tur makéh punyan nyuh ring pasisi pasih. Pasih puniki madué bias putih. Ombak ring pasih puniki alit, punika mawinan dados kaanggén genah nglangi. Tiosan punika, pasih puniki prasida kaanggén genah malajah maplalian selancar ring alit-alit sané wawu malajah.[2]
- ↑ "Indah dan Eloknya Pantai Mawun". Indonesia Kaya. Kaaksés 2025-04-13.
- ↑ "Pantai Mawun – Go Mandalika" (ring Inggris). Kaaksés 2025-04-13.