Pariwisata ring Laos
Pariwisata ring Laos sampun dados pahan sané mabuat ring ékonomi Laos. Ring warsa 2024, akéhnyané wisatawan sampun ngantos 5 yuta, sané prasida ngicénin pituut lintangan saking US$1 miliar ring ékonomi.[1] Pariwisata kaatur olih lembaga pameréntah tingkat kamenterian, inggih punika Administrasi Pariwisata Nasional Lao (LNTA).
Pariwisata pinaka sumber pangupa asing sane pinih ageng kaping tiga majeng ring pemerintah Laos, ring ungkur wantah pertambangan lan pembangkit listrik. Ring warsa 2019, 4,79 yuta wisatawan internasional ngrauhin Laos, nelasang jinah US$931 yuta, sané nyihnayang 9,1% saking ekonomi Lao, miwah ngawentenang pakaryan majeng ring 300.000 jadma.[2]
Papat wit wisatawan mancanegara pinih duur daweg warsa 2019 inggih punika Thailand (45%), Cina (21,3%), Viétnam (19,3%) muah Korea Kelod. (4.2%).[2]
Kréta Api Laos-Cina sampun ngawinang akéh wisatawan, utaminnyané saking Cina, nuju Laos, taler ngawinang transportasi sayan dangan pantaraning Vientiane, Vang Vieng, miwah Luang Prabang. Kréta api puniki kabuka ring warsa 2021, lan layanan lintas wates pantaraning Laos lan Cina kakawitin ring warsa 2023. Yening saihang sareng pisagannyané Thailand, Laos inggih punika negara sane relatif meweh ngranjing antuk udara, utamanyané malarapan antuk rute udara jarak doh. Ring warsa 2024, wénten langkungan saking 46 yuta kursi maskapai panerbangan sané nuju Thailand, nanging kirang saking 1,8 yuta sané nuju Laos. Layanan puniki katahne ngeranjing saking Cina utawi Thailand, suksmannyané wistawan arang pisan mamargi wantah nuju Laos, nanging ngadungang pamarginnyané sareng pangrauh nuju negara-negara pisaga taler, santukan kabuatang transit nglintangin ipun mangda prasida rauh ring Laos.[3]
- ↑ Sitthixay, Phonethida (2024-11-19). "Laos Welcomes Over Five Million Tourists in 2024, Generating Over USD 1 Billion". Laotian Times (ring Inggris). Kaaksés 2025-01-30.
- ↑ 2,0 2,1 Lao PDR's tourism COVID-19 recovery roadmap 2021-2025 (PDF). Lao PDR Ministry of Information, Culture and Tourism. Kaaksés 2025-01-31.
- ↑ Chung, Christine (2025-01-01). "Is This the Year Laos Breaks Through?". The New York Times (ring Inggris). ISSN 0362-4331. Kaaksés 2025-01-31.