Panghormatan ring sang sane sampun seda

Pangajinan ring sang sane sampun seda utawi ngaturang pamuji ring sang sane sampun seda, rumasuk dewa hyang, kadasarin antuk tresna lan hormat ring sang sane sampun seda. Ring makudang-kudang budaya, indike puniki mapaiketan sareng kapercayaan lan keyakinan yening sang sane sampun padem madue kahuripan sane terus, lan minab madue kemampuan ngaruhin nasib sang sane kantun maurip ring jagate puniki . Wenten kelompok sane ngaturang pamuji ring dewa hyang nyane ngraga sane dados nyama brayannyane; Makudang-kudang komunitas agama utawi kapercayaan, utamanyane Gereja Katolik, ngaturang pamuji majeng ring para suci pinaka syafaat majeng ring Ida Sang Hyang Widhi Wasa, lan ngastawayang atman sang sane sampun padem sane wenten ring purgatorium .

Ring budaya Eropa, Asia, miwah Oseania, taler makudang-kudang budaya Afrika miwah Afro-Amerika, tatujon ngaturang pamuji majeng ring leluhur inggih punika mastikayang karahayuan miwah parilaksana sane becik majeng ring sang sane kantun maurip ring jagate, taler wenten sane nunas wantuan utawi wantuan sane khusus. Kawigunan sosial utawi non-agama saking ngaturang pamuji majeng ring leluhur inggih punika ngalimbakang nilai-nilai pasawitran sekadi bakti, kasatyan kulawarga, miwah kalanturang garis keturunan kulawarga. Pamujaan majeng ring leluhur kapanggihang ring parajanane ring sajebag undagan teknologi, politik, utawi kompleksitas sosial, taler kantun dados komponen sane mabuat ring makudang praktik agama ring masa modern.