Cebur nuju daging

Pamilihan pasangan

Saking Wikipédia
Pilihan pasangan punika banget kacingak ring lek mating. Iriki, black grouse jantan mapupul ring paya lan sane istri lantas rauh lan nitenin jantan sadurung milih siki.

Pamilihan pasangan punika silih tunggil mekanisme utama sané ngawinang evolusi prasida mamargi. Puniki kacihnayang antuk "respon selektif olih buron ring stimulus tertentu" sané prasida kaselehin pinaka parilaksana. [1] Tiosan ring punika, sadurung buron mapaiketan sareng pasangannyané, ipun kapertama nyelehin makudang-kudang aspek saking pasangan punika sané nyihnayang kualitas-sekadi sumber daya utawi fenotipe sané kadruwénang-miwah nyelehin napiké sifat-sifat punika maguna ring ipun. Evaluasi punika raris pacang ngamolihang respon sane marupa. [1]

Mekanisme puniki pinaka pahan saking pauwahan evolusioner santukan ipun mamargi antuk pamargi sané ngawinang kualitas sané kakayunin ring pasangan sayan sering katedunang ring soang-soang generasi saking masa ka masa. Minakadi, yéning merak istri meled ring pasangan sané madué bulu sané mawarna-warni, raris sifat puniki pacang nincap saking galah ka galah santukan merak jantan sané madué bulu sané mawarna-warni pacang madué kasuksesan reproduksi sané sayan akéh. [2] Panyelehan salanturnyane indik konsep puniki, sampun manggihin yening sujatinnyane sifat spesifik warna biru lan hijau nampek ring bintik mata sane kacingak nincapang kemungkinan istri nganten sareng merak spesifik. [3]

Pilihan pasangan inggih punika komponen utama saking seleksi seksual, sané tiosan inggih punika seleksi intraseksual . Pamineh indik seleksi seksual kapertama kasobyahang duk warsa 1871, olih Charles Darwin, raris kalimbakang olih Ronald Fisher duk warsa 1915. Sané mangkin, wénten limang sub mekanisme sané nlatarang sapunapi pilihan pasangan sampun nglimbak saking masa ka masa. Puniki inggih punika kawigunan fenotipik langsung, bias sensorik, hipotesis pelarian Fisherian, sifat indikator miwah kompatibilitas genetik.

Ring mayoritas sistem ring dija wenten pilihan pasangan, siki jenis kelamin cenderung kompetitif sareng anggota sesama jenisnyane [4] lan jenis kelamin sane lianan choosy (artosnyane ipun selektif ritatkala pacang milih individu sane pacang kapasangin). Wenten pikenoh langsung miwah nenten langsung saking dados individu sane selektif. [5] [6] [7] Ring akeh spesies, istri inggih punika jenis kelamin sane milih sane membedakan pantaraning jantan sane kompetitif, [4] nanging wenten makudang-kudang conto peran sane mabalik (cingak ring sor). Becikan yéning individu mamilih pasangan sané kompatibel saking spesies sané pateh, mangda prasida ngamit kasuksesan reproduksi. [8] Faktor tiosan sané prasida ngawinang pilihan pasangan minakadi stres patogen miwah kompleks histokompatibilitas utama (MHC).

Cingak taler

[uah | uah wit]

Lis pusktaka

[uah | uah wit]
  1. ↑ 1,0 1,1 Bateson, Paul Patrick Gordon. "Mate Choice." Mate Choice, Cambridge University Press, 1985
  2. ↑ Petrie, Marion; Halliday, Tim; Sanders, Carolyn (1991). "Peahens prefer peacocks with elaborate trains". Animal Behaviour. 41 (2): 323–331. doi:10.1016/s0003-3472(05)80484-1.
  3. ↑ Dakin, Roslyn; Montgomerie, Robert (2013). "Eye for an eyespot: How iridescent plumage ocelli influence peacock mating success". Behavioral Ecology. 24 (5): 1048–1057. doi:10.1093/beheco/art045.
  4. ↑ 4,0 4,1 Andersson, Malte (1994). Sexual Selection. Princeton University Press.Mal:Page needed
  5. ↑ Moller, A.; Jennions, M. (2001). "How important are direct benefits of sexual selection?". Naturwissenschaften. 88 (10): 401–415. Bibcode:2001NW.....88..401M. doi:10.1007/s001140100255. PMID 11729807.
  6. ↑ Kokko, H.; Brooks, R.; Jennions, M.; Morley, J. (2003). "The evolution of mate choice and mating biases". Proceedings of the Royal Society B: Biological Sciences. 270 (1515): 653–664. doi:10.1098/rspb.2002.2235. PMC 1691281. PMID 12769467.
  7. ↑ Dawkins, Marian; Guilford, Tim (Nov 1996). "Sensory Bias and the Adaptiveness of Female Choice". The American Naturalist. 148 (5): 937–942. Bibcode:1996ANat..148..937D. doi:10.1086/285964. JSTOR 2463414.
  8. ↑ Halliday, T. R (1983). "The study of mate choice". Ring Bateson, Patrick (ed.). Mate Choice. Cambridge University Press. pp. 3–32. ISBN 978-0-521-27207-0.
Kapolihang saking "https://ban.wikipedia.org/w/index.php?title=Pamilihan_pasangan&oldid=235356"